Jańalyqtar
«Ashat Sadyrbaıdyń burynǵy áıeli eshqandaı da «qurban» emes» – zańger
Foto: ashyq derekkóz
Zańger Lázzat Ahatova telejúrgizýshi Ashat Sadyrbaıdyń burynǵy áıeline eshqandaı qaýip tónip turmaǵanyn, onyń eshqandaı da «qurban» emestigin aıtty, dep habarlaıdy qandastar.kz Alash.kz ulttyq portaly jazǵandaı, Lázzat Ahatova feısbýk áleýmettik jelisinde Ashat Sadyrbaıǵa qatysty daýly másele jóninde taǵy da pikir bildirdi. Onyń aıtýynsha, sot sheshimimen bala anasynyń qolynda qalǵan. Biraq anasy baladan bólek turatyny belgili bolǵan.
«Sot sheshimimen bala anasynda qalǵan. Al dál qazirgi ýaqytta balaǵa sonsha talasqan áıel Almatyda baladan bólek turady eken. Uly – naǵashy ata-ájesinde. Zań boıynsha bala ata-ananyń birimen turý kerek. 3-tarapqa qaldyryp ketý – zańsyzdyqqa jatady. Dál osy jaǵdaıda ákesi balany tartyp alýǵa da quqyǵy bar. Alaıda ákesi tarapynan ondaı áreket jasalyp jatqan joq», – dep jazǵan zańger.
…Biraq qansha ashýlansa da, enesi, kúıeýi qandaı adam bolsa da, balany tómpeshtep, enesiniń qulaǵyn jyrtqan adamdy jertva deı almaımyn…Elge tanymal bir koýchtyń kýrsyna qatysyp, “men senderdiń kúńderiń emespin, tamaq istemeımin, kúıeýimniń náskıin jýmaımyn” dep shyqqany da bar eken. Ony jazbadym. Tek óz kózimmen kórgenimdi baıandadym. Koýchsymaqtar da aqsha úshin qansha otbasynyń obalyna qaldy, negizi..Qalǵandarynda sharýam joq. Ashatpen qoıan-qoltyq aralaspaǵasyn, qandaı adam ekenine baǵa da bere almaımyn. Aıtarym-ne deseńizder de, azamat eken. Áıeli qansha kúıe jaqsa da, baıaǵy vıdeolardy jarııalamady. Men birneshe ret “jarııalańyz, sonda sizdi qaralap jatqandardyń kózi jetedi” dep aıttym. Zatym áıel ǵoı) Men bolǵanda, shydamaı, bárin jarııalar edim. Áli jarııalamady. “Otbasymnyń máselesin el aldynda emes, shekten shyqqan nárseni tıisti jerde zańmen sheshem” dedi. Saýatty adamnyń áreketi osyndaı bolady. Qansha jala japsa da, balasynyń anasynyń el aldynda plıntýstan tómen túsýine jol bermedi.
Sonymen qatar, Lázzat Ahatova jelidegi kez kelgen qaýósetke senip, ártúrli áńgime taratpaý keregin naqtylady. Halyqtyń aldyna shyǵyp, kóz jasyn kól qylǵandardyń bári «qurban» emes dep qorytyndylady:
“Jyltyraǵannyń bári altyn emes…”. Sol sııaqty jylap, suqbat bergenniń bári – “qurban” emes.. Bastysy – búkil “álem” qutqaratyndaı, eshkimniń ómirine qaýip tónip turǵan joq. Qaýip tónse, vıdeofıksaııa jasasyn, sózderin dálelmen negizdesin. “Qyryq jyl” burynǵy úıine ornatylǵan kamera – adam ómirine tóngen qaýipke jatpaıdy. Eki bólek ketkenderine 5 jyl bolǵan. Qazir qandaı qaýip tónip tur, áıelge? Kósheden ustap alyp, tynyshtyq bermeı, taıaqtap, uryp-soǵyp jatsa, eshkim únsiz otyrmaıdy. Ondaı jaǵdaı bolsa, eń birinshi áıeldi qorǵap, men shyǵar edim», – deıdi Lázzat Ahatova.
Eske sala keteıik, Ashat Sadyrbaıdyń ekinshi áıeli Aıǵanym Bolatqyzy Kyn.kz YouTube arnasyna suhbat berip, burynǵy kúıeýinen kórgen qorlyqtary týraly aıtyp berdi.
Ol ekeýiniń 5 jyl buryn ajyrasyp ketkenin, alaıda eks-kúıeýi áli kúnge deıin ne ózine, ne áke-sheshesine, týystaryna maza bermeı keletinin jetkizdi.
«Ashat jol apatynan soń, biraz qalada turyp, biz aýylǵa kettik. Keıinnen ol baldaqpen júre bastady. Men balany emizip jatqanda enem Ashatqa baryp, «balany bermeı jatyr» degen. Sol kezde Ashat kelip baldaǵymen meni uratyn», – deıdi ol.
