Ashat Sadyrbaıdyń burynǵy áıeli kórgen qorlyǵyn jaıyp saldy

Foto:Kollaj: Stan.kz

Belgili jýrnalıst Ashat Sadyrbaıdyń burynǵy áıeli Aıǵanym Bolatqyzy otbasynda bolǵan urys-keristi jaıyp saldy, dep habarlaıdy qandastar.kz aqparat portaly kyn.kz-ke silteme jasap.

Sózinshe uldary dúnıege kelgennen bastap qarym-qatynastary nasharlap, urys-keris bastalǵan.

“2015 jyly “VKontakte” áleýmettik jelisi arqyly tanystyq. Ol kezde 22 jasta boldym. Burynǵy nekesindegi ajyrasý sebebin de bilmedim. О́zi fotolaryma lúpil basyp, jaza bastady. Jýrnalıst bolǵasyn tili de maıdaı jaǵyp, birden baýrap aldy. Aramyz alty jas bolǵasyn, aqyl aıtyp, baǵyt-baǵdar berip otyrdy. Men ol kezde toılarǵa shyǵyp, bıleıtin edim. Ekeýmiz de shyǵarmashylyqtyń adamy bolǵasyn áńgimemiz jarasty. Bir kúni kezdeskende maǵan otbasyn qurý jaıly áńgime aıtty. Sodan men úıdegilerge aıttym. Olar birden qarsy boldy. О́ıtkeni meni kishkentaı kórdi jáne úıdiń kenjesi bolǵanym úshin uzatýǵa daıyn bolmady. 31 arnada jumys isteıtin Jaras Nııazbekov degen jýrnalıst týysqan aǵamyz bolyp keledi. Sol kisi de Ashatty tanıtyn bolǵasyn turmysqa shyǵýyma kelisim bermedi. Meniń otbasym ol kisiniń ajyrasqanyn, telejýrnalıst ekenin biletin. Alaıda biz eshqandaı qarsylyqqa qaramaı shańyraq qurdyq. Almatyda ánshilerdiń qatysýymen úılený toıymyz boldy. Meniń baqyttan basym aınalyp, óte keremet kúı keship júrdim”, – dep bastady áńgimesin Aıǵanym.

Jýrnalıstiń eks-jubaıynyń sózinshe, balaly bolǵannan keıin aralary sýyp ketken.

“Bosaǵa attaǵannan keıin júkti boldym. Aıy-kúnim jetip otyrǵanda Ashat jol apatyna tústi. Ol kezde biz páter jaldap turatyn edik. Qyrǵyzstanǵa ketken edi, jolda apatqa ushyraǵan. Maǵan ony aıtpaǵan. Basynan qatty soqqy alypty. Men birden estigende qatty qorqyp kettim. Sol qoryqqanymnan perzenthanaǵa kettim. О́te aýyr jaǵdaıda bosandym. Úıge kelgennen keıin men bala kútimin jasadym. Enem men ápkem Ashatty kútti. Bala bolǵasyn jylaıtyn sol kezde ákesi ashýlanyp ketetin. Shýdy kótere almady. Meniń anam “Sizderge qıyn bolyp jatyr. Men Aıǵanymdy qarap, balany ósirip bereıin” dedi. Sol kezde bul jaq qarsy boldy. Sodan bizdi anasy Shymkent jaqtaǵy aýylyna alyp ketti. Jalpy, ol kisi anasynyń aıtqanymen ǵana júretin. “Meniń áıelim, meniń otbasym, ózim sheshemin” degen sózderdi aıtpaıtyn”, – dedi kelinshek.

Sondaı-aq Aıǵanym eks-kúıeýiniń alǵash qol kótergen sátin de umytpaǵanyn aıtty.

“Jol apatynan keıin baldaqpen júrdi. Sol kezde anasy da úıde bolatyn edi. Ulymyz Zeıin kishkentaı. Saǵat saıyn emizý kerek. Sondaı sáttiń birinde balany emizip otyrǵanda enem baryp, “Balany bermeı jatyr” dedi. Sol ýaqytta Ashat meni baldaqpen urǵan. “Balany qyzǵanyp, meniń shesheme ustatpaı” dep kináli etti. Ol kezde qatty kúızeliste júrgen edim. Keıde Ashatqa “Meni qorǵashy, meniń sózimdi sóıleshi” deıtinmin. Ol túsinbeıtin. “Káni, jaý shaýyp jatyr ma?!” deıtin. Keıin biz Astanaǵa kóship kettik. Sol kezde qatty sýyqta otyryp, anama habarlastym: “Astananyń sýyǵynan Ashattyń sýyǵy jaman” dedim. Sol sóz áli esimde. Er-azamat retinde qoldaý, demeý bolmady. Bir másele bolsa, Shymkentten anasy kelip alatyn. Júkterin jınap daıyn otyratyn sııaqty. Úlken kisi bolǵasyn aıta almaımyn. Biraq eshteńe sheshilmeıtin. Tipti, ústel basynda jaqsy pikir aıtsa, erkindep qalatyn edim. Ár nársege pikir aıtyp, synap otyratyn. Ol otbasy tek qoldyń tamaǵyn ǵana jeıtin. Qolymnan oqtaý túspeıtin. Biraq keremet aspaz bolmasam da, tamaq isteýdi úırenip aldym. “Men ne nárseni durys istemeı jatyrmyn, úlgili tatý otbasy qandaı bolý kerek” dep basym qatatyn. Onyń úıinde qyzmetshi sııaqty júrdim. “Myna jer kir bolyp tur, ana jer durys jýylmaǵan” deıtin. Men úshin odan jaqsy sóz estý muńǵa aınaldy. Tipti “Búgin balany alyp shyq, qydyrtaıyq” dese, qatty qýanatyn edim”, – dedi Aıǵanym Bolatqyzy.

Odan keıin jýrnalıst kúıeýiniń uryp-soǵýy jıileı bergen. Tipti denesine zaqym keltirip, jaraqat salǵan.

“2017-2018 jyldary maǵan “sen jyndysyń seni jyndyhanaǵa jatqyzý kerek” dep qujat alyp bermek boldy. Urys bastalaıyn dep otyrǵanda dalaǵa shyǵyp ketetin edim. Sondaı bir qashyp bara jatqanymda kózimnen urǵan. Anasy da toqtatpaq boldy. Sol kezde kózim aǵym ketken eken dep oıladym. Odan keıin taǵy bir urysta esiktiń ilgishine qolymdy kesip alamyn. Ol tamyrdy birge tilip jibergen. Bólmeniń bári qan boldy. Jedel járdem shaqyryp, tigip berdi. Sodan keıin maǵan jala jaba bastady. “Mynanyń júıkesi tozǵan. Dúnıeniń bárin búldiredi” dep ózimdi kináli etti. Jalpy, qazir túsingenim, ol sondaı urys bastasa ajyrasý týraly qujatty maǵan aıtpaı daıyndap júrgen. Bir kúni úıge eki kisi kelip, bólmege kamera ornatyp ketti. Ony men bilmeımin. О́zi de “О́rt qaýipsizdigine arnalǵan qurylǵy” dedi. Kamera ornatýshylar da solaı aıtty. Keıin baryp onyń kamera ekenin jáne ol uıaly telefonyna ornatylǵanyn bildim. Eger men balany uryp qoısam, sotta kórsetemin degen oı bolǵan. Men shyndyqty bilgennen keıin, qatty renjidim. Onyń tili aщy bolatyn. Aýyr sózder aıtsa, jylap qalatynmyn”, – dedi Aıǵanym.