Ashat Sadyrbaıdyń ekinshi áıeli taǵy bir oqıǵany bólisti

Foto: ashyq derekkóz

Telejýrnalıst Ashat Sadyrbaıdyń burynǵy áıeli Aıǵanym Bolatqyzy Anna Danchenkoǵa suhbat berdi. Suhbat barysynda burynǵy kúıeýiniń sumdyq áreketterin aıtyp, halyqtan kómek surady, dep habarlaıdy qandastar.kz

Aıǵanym Bolatqyzy Anna Danchenkoǵa bergen suhbatynda biraz jaıttyń basyn ashty. Burynǵy kúıeýi Ashat Sadyrbaıdyń janjal kezinde ózin uryp-coǵyp, qol kótergenin málimdedi.

«Biz otbasyly bolǵan kezde 2019 jyly janjal barysynda kózimdi urdy. Biraq qazir ol ony moıyndamaı otyr. Sebebi men der kezinde sotqa barmadym. Kózim shyǵyp kete jazdady. Alaıda anasy ekeýi úıdi kilttep qoıyp, meni eshqaıda jibermeı ustap otyrdy. Aýrýhanalar dúısenbi kúni ashylatynyn aıtyp, soǵan deıin kútýimdi surady. Jaı judyryqpen urǵan bolsa eken, ol kózimdi óziniń qysqy etigimen urdy. Kózim qantalap ketti. Eki kún ótken soń ózderi aýrýhanaǵa apardy. Qatty soqqy dep jazyp berip, qalypqa kelýge uzaq ýaqyt ketti. Qolymda sol kezdegi medıınalyq saraptama bar. Onyń aldynda da «meni urdyń, ajyrasamyn» dep Merkede sot saraptamasynan ótkenim bar. Biraq ol kezdegi qujattardy qolyma bermedi, biraq ol jaǵdaı tirkelip tur. Qol kótergeni kóp emes, biraq jıi bolyp turatyn. Men urysty boldyrmaıyn dep dalaǵa shyǵyp keteıin dep esikke júgirgenim de, etigimen uryp úlgerdi», – dedi ol.

Sonymen qatar, Aıǵanym Bolatqyzy Ashat Sadyrbaıdyń aradaǵy balany ózine alý úshin qaıtadan sotqa júginip, ózin sotqa berip jatqanyn da baıandady.