اسحات تاعىبەرگەن «ورداباسىدان” نەگە كەتتى?

فوتو: قفف

قازاقستان فۋتبول فەدەراتسياسى پرەزيدەنتىنىڭ كەڭەسشىسى نۇرسۇلتان قۇرمان اسحات تاعىبەرگەننىڭ “ورداباسى” كلۋبىنان كەتكەنىن ايتتى, دەپ جازدى qandastar.kz

بۇل تۋرالى ول ءوز Telegram-ارناسىندا جازدى.

ونىڭ ايتۋىنشا, تاعىبەرگەن شىمكەنتتىك كلۋبتان كەتكەنىن راستاعان.

“كەلىسىمشارتىنىڭ اياقتالۋىنا 10 اي قالعان ەدى. ول تولىق وتەماقى تالاپ ەتپەي, وزىنە ەڭ ءتيىمسىز نۇسقانى تاڭدادى”, – دەپ ءتۇسىندىردى قۇرمان.

ازىرگە فۋتبولشى باسقا كلۋبقا اۋىسقان جوق, بىراق جاقىن ارادا جاڭا اقپارات پايدا بولۋى مۇمكىن, دەپ قوستى ول.

ەسكە سالا كەتەيىك, بۇعان دەيىن شىمكەنت اكىمى عابيت سىزدىقبەكوۆ قالا تۇرعىندارىمەن كەزدەسۋ بارىسىندا ۇلتتىق قۇرامانىڭ جارتىلاي قورعاۋشىسى اسحات تاعىبەرگەننىڭ “قازىر ويناي المايتىنىن” جانە “كەتكىسى دە كەلمەيتىنىن, جاي عانا وتىرعانىن” ايتقان بولاتىن. سول كەزدە قالا باسشىسى قازاقستان فۋتبول قۇراماسى كاپيتانىنىڭ جالاقىسى 20 ميلليون تەڭگەنى قۇرايتىنىن مالىمدەگەن. كەيىن تاعىبەرگەننىڭ جارى سىزدىقبەكوۆتىڭ سىنىنا جاۋاپ بەردى.

34 جاستاعى تاعىبەرگەن بۇعان دەيىن “اقتوبە” جانە “استانا” كلۋبتارىندا ويناعان, ال 2014 جىلدان باستاپ ۇلتتىق قۇراماعا تۇراقتى تۇردە شاقىرىلىپ كەلەدى.