Ashat Taǵybergen «Ordabasydan” nege ketti?

Foto: QFF

Qazaqstan fýtbol federaııasy prezıdentiniń keńesshisi Nursultan Qurman Ashat Taǵybergenniń “Ordabasy” klýbynan ketkenin aıtty, dep jazdy qandastar.kz

Bul týraly ol óz Telegram-arnasynda jazdy.

Onyń aıtýynsha, Taǵybergen shymkenttik klýbtan ketkenin rastaǵan.

“Kelisimshartynyń aıaqtalýyna 10 aı qalǵan edi. Ol tolyq ótemaqy talap etpeı, ózine eń tıimsiz nusqany tańdady”, – dep túsindirdi Qurman.

Ázirge fýtbolshy basqa klýbqa aýysqan joq, biraq jaqyn arada jańa aqparat paıda bolýy múmkin, dep qosty ol.

Eske sala keteıik, buǵan deıin Shymkent ákimi Ǵabıt Syzdyqbekov qala turǵyndarymen kezdesý barysynda ulttyq quramanyń jartylaı qorǵaýshysy Ashat Taǵybergenniń “qazir oınaı almaıtynyn” jáne “ketkisi de kelmeıtinin, jaı ǵana otyrǵanyn” aıtqan bolatyn. Sol kezde qala basshysy Qazaqstan fýtbol quramasy kapıtanynyń jalaqysy 20 mıllıon teńgeni quraıtynyn málimdegen. Keıin Taǵybergenniń jary Syzdyqbekovtiń synyna jaýap berdi.

34 jastaǵy Taǵybergen buǵan deıin “Aqtóbe” jáne “Astana” klýbtarynda oınaǵan, al 2014 jyldan bastap ulttyq quramaǵa turaqty túrde shaqyrylyp keledi.