اشىمباەۆ سەناتتىڭ تاعدىرى جايلى ءازىل ايتىپ, ءوز بولاشاعىنا پىكىر ءبىلدىردى

فوتو: sputnik.kz/ ابزال كاليەۆ

پارلامەنت رەفورماسى تۋرالى پرەزيدەنت توقاەۆتىڭ ۇسىنىستارى قىزۋ تالقىلانىپ جاتقان ساتتە سەنات توراعاسى ماۋلەن اشىمباەۆ پلەنارلىق وتىرىستى ازىلمەن باستادى, دەپ حابارلايدى qandastar.kz

اشىمباەۆ زالعا 09:59-دا كىرگەن.

دەپۋتاتتار ونى تەلەفونعا ءتۇسىرىپ جاتقاندا ول جىميىپ:

«ءالى ەستەلىككە سۋرەتكە تۇسىرەتىن ۋاقىت ەمەس», – دەدى.

بۇل ءسوز ارىپتەستەرىن كۇلدىردى. ايتا كەتسەك, بۇعان دەيىن سەناتتىڭ بولاشاعى جايلى ءتۇرلى پىكىر ايتىلىپ كەلگەن.

26 ماۋسىمدا اشيمباەۆ بۇل تاقىرىپقا قاتىستى:

«ۋاقىت وتە اقپاراتتىق كەڭىستىكتە مۇنداي اڭگىمەلەر كوتەرىلەدى. كەيدە وقىپ, تىڭداۋ دا قىزىق. بىراق ايماقتار مەن الەۋمەتتىك توپتاردىڭ مۇددەسىن قورعاۋ تۇرعىسىنان ءبىز جۇمىسىمىزدى جاقسى اتقارىپ وتىرمىز», – دەپ مالىمدەگەن بولاتىن.

Skifnews.kz جازعانداي,  ودان «رەفورما جاسالسا, بولاشاقتا ءوزىڭىزدى پارلامەنتتە كورەسىز بە?» دەگەن سۇراق قويىلدى.

«مەنى پرەزيدەنت تاعايىندادى. وكىلەتتىگىمنىڭ مەرزىمىن دە سول انىقتايدى. قازىر ءبىز ءۇشىن باستىسى – جولداۋدان تۋىندايتىن زاڭداردى قابىلداۋ. ال ارى قاراي… بۇل بولاشاقتىڭ ەنشىسىندە», – دەدى سپيكەر.

ونىڭ ايتۋىنشا, سەنات پەن ءماجىلىس ءالى كەمىندە ەكى جىل قازىرگى فورماتتا جۇمىس ىستەيدى. كەيىن حالىقتىق رەفەرەندۋم ءبارىن ايقىندايدى.