«Ashyq emes, kúmándi irikteý»: Merýert Túsipbaeva Baıan Alagózovaǵa taǵy da shúılikti

Foto: Ábilqasym Esentaev/Azattyq Ruhy

Qazaqstannyń eńbek sińirgen qaıratkeri, ánshi ári aktrısa Merýert Túsipbaeva prodıýser Baıan Alagózovaǵa qatysty synyn toqtatar emes. Ol prodıýser túsirgen «Qozy Kórpesh – Baıan Sulý» telehıkaıasynyń kastıngine kúmán keltirip otyr, – dep habarlaıdy  qandastar.kz   Aikyn.kz saıtyna silteme jasap.

Túsipbaevanyń aıtýynsha, joba halyq qarjysyna – ulttyq arna bıýdjeti arqyly túsirilgen. Alaıda basty rólge sol kezdegi ákimniń qyzy alynǵan.

«Bul serıal bıýdjet qarjysyna túsirildi. Al basty keıipkerdi ákimniń qyzy somdady. Kastıngtiń qalaı ótkenin eshkim bilmeıdi. Bul – ashyq emes, kúmándi irikteý», – dedi ol.

Ánshiniń málimdeýinshe, osy pikirinen keıin Baıan Alagózovanyń jaqtastary tarapynan qysym kóre bastaǵan. Onyń ishinde Alagózovanyń ózi men ápkesi Baǵym Músirepova bar.

«Men óz pikirimdi ǵana aıttym. Al olar birigip, jeke basyma tıisip, balaǵattady. «Sen eshkim emessiń», «nólsiń», «ónersizsiń» dedi. Biz bir oqý ornynda oqydyq, men mýzykalyq-drama bóliminde oqydym, ol keıinirek tústi. Men bilimsiz emes adammyn. Qajet bolsa, qolymdaǵy dáleldermen kez kelgenniń betin ashýǵa daıynmyn», – deıdi Túsipbaeva.

Ol bul jaǵdaıdan keıin ózine qarsy qaralaý naýqany bastalǵanyn alǵa tartyp, áleýmettik jelilerde jeke basyna shabýyl jıilegenin aıtty.