«اشىق كيىنەتىن قىزدار ۇنامايدى»: الىشەر كاريموۆ ءوز ومىرىنەن سىر شەرتتى

فوتو: https://tengrinews.kz

بەلگىلى ءانشى الىشەر كاريموۆ جەكە ومىرىنە قاتىستى سۇراقتارعا جاۋاپ بەرىپ, قاۋەسەتكە نۇكتە قويدى, دەپ حابارلادى turkystan.kz پورتالى Stan.kz اقپارات اگەنتتىگىنە سىلتەمە جاساپ.

ونەر يەسى جەكە ءومىرى تۋرالى اسحات سادىرباي Media youtube-ارناسىنا بەرگەن سۇحباتىندا ايتتى.

“ساعان نە ءۇشىن سۇحبات بەرۋگە كەلىسكەنىمدى تۇسىنبەيمىن. كەيدە حابارلاسىپ, جەكە ءومىرىمدى سۇرايتىندار بار. جەكە ومىرىمدە ساتقىندىق بولدى. نەسىن جاسىرامىن ونى. اۋىز كۇيدى, جۇرەك سىزدادى. جاقىن ارادا ۇيلەنگىم كەلەدى. بۇرىننان بەرى جوسپارلاپ جۇرگەنمىن. بىراق ءبىر ءساتى تۇسپەي قويدى, ءارتۇرلى سەبەپتەر بولىپ قالادى. قازىر «ۇيلەنگىم كەلەدى» دەپ ناقتى ايتا الامىن. ءىنىمنىڭ دە, قارىنداسىمنىڭ دا وتباسى بار. جيەندەرىم ءوسىپ جاتىر. كەزەك – مەنىكى. جاقسى جاڭالىقتىڭ بولاتىنى انىق”, – دەدى ول.

سونداي-اق ەسترادا جۇلدىزى وزىنە قانداي قىزداردىڭ ۇنامايتىنىن دا جاسىرمادى.

“بولاشاق جارىمنىڭ ونەردەن بولعانىن قالامايمىن. سوسىن قىزداردىڭ تىم اشىق كيىنگەنى ۇنامايدى. ءتىپتى ارتىستەردىڭ دە اشىق كيىنگەنى كوزىمە ءبىرتۇرلى كورىنەدى. شىعىستىڭ جىگىتى بولعاندىقتان, ءالى كۇنگە دەيىن ۇيات سانايمىن. اشىق كيىنىپ ساحناعا شىعاتىن قىز-كەلىنشەكتەردى قابىلداي المايمىن. مەن ءۇشىن قىز دەگەن جۇمباق بولۋى كەرەك. ەڭ ءبىرىنشى قىزدى كورگەندە ءبىز كيىمىن كورەمىز عوي. جالپى, قىزداردىڭ قاي جاعىنان دا جۇمباق بولعانىن قالايمىن”, – دەدى ونەر يەسى.