«Ashyq kıinetin qyzdar unamaıdy»: Álisher Karımov óz ómirinen syr shertti

Foto: https://tengrinews.kz

Belgili ánshi Álisher Karımov jeke ómirine qatysty suraqtarǵa jaýap berip, qaýesetke núkte qoıdy, dep habarlady turkystan.kz portaly Stan.kz aqparat agenttigine silteme jasap.

О́ner ıesi jeke ómiri týraly Ashat Sadyrbaı Media youtube-arnasyna bergen suhbatynda aıtty.

“Saǵan ne úshin suhbat berýge keliskenimdi túsinbeımin. Keıde habarlasyp, jeke ómirimdi suraıtyndar bar. Jeke ómirimde satqyndyq boldy. Nesin jasyramyn ony. Aýyz kúıdi, júrek syzdady. Jaqyn arada úılengim keledi. Burynnan beri josparlap júrgenmin. Biraq bir sáti túspeı qoıdy, ártúrli sebepter bolyp qalady. Qazir «úılengim keledi» dep naqty aıta alamyn. Inimniń de, qaryndasymnyń da otbasy bar. Jıenderim ósip jatyr. Kezek – meniki. Jaqsy jańalyqtyń bolatyny anyq”, – dedi ol.

Sondaı-aq estrada juldyzy ózine qandaı qyzdardyń unamaıtynyn da jasyrmady.

“Bolashaq jarymnyń ónerden bolǵanyn qalamaımyn. Sosyn qyzdardyń tym ashyq kıingeni unamaıdy. Tipti ártisterdiń de ashyq kıingeni kózime birtúrli kórinedi. Shyǵystyń jigiti bolǵandyqtan, áli kúnge deıin uıat sanaımyn. Ashyq kıinip sahnaǵa shyǵatyn qyz-kelinshekterdi qabyldaı almaımyn. Men úshin qyz degen jumbaq bolýy kerek. Eń birinshi qyzdy kórgende biz kıimin kóremiz ǵoı. Jalpy, qyzdardyń qaı jaǵynan da jumbaq bolǵanyn qalaımyn”, – dedi óner ıesi.