جاڭالىقتار
«اشىق جارانى ءدارىسىز تاڭعان»: اقتوبە اۋرۋحاناسى كۇيىك شالعان 3 جاسار قىزعا 10 ميلليون تەڭگە مورالدىق شىعىن تولەگىسى كەلمەيدى
فوتو وتباسىنىڭ جەكە دەرەگىنەن
اقتوبە وبلىسىندا اياعى قاتتى كۇيىپ, سالدارىنان جۇرە الماي, مۇگەدەكتىك العان 3 جاسار قىزعا دارىگەرلەر 10 ميلليون تەڭگە وتەماقىنى تولەۋگە كەلىسپەيدى. اۋرۋحانا سوت شەشىمىنە قارسى شاعىمدانۋدا. بۇل تۋرالى Stan.kz اقپارات اگەنتتىگى “ۆرەميا” پورتالىنا سىلتەمە جاساپ حابارلايدى.
دەرەكتەرگە سۇيەنسەك, بالالار اۋرۋحاناسى قازىر ءبىرىنشى ينستانتسيا سوتىنىڭ شەشىمىنە قارسى شاعىمدانۋعا تىرىسىپ جاتىر. جاۋاپكەر سوتتىڭ اۋرۋحانا دارىگەرلەرىنىڭ ارەكەتتەرى مەن ولاردىڭ بۇرىنعى ناۋقاسىنداعى دەنساۋلىق جاعدايىنىڭ ناتيجەلەرى اراسىندا سەبەپ-سالدارلىق بايلانىس ورناتپاعانىن ايتادى. وبلىستىق سوت ازىرگە سوت-مەديتسينالىق جانە پسيحولوگيالىق-پسيحياتريالىق ساراپتامالار تاعايىنداۋعا توقتالدى.
ساراپشىلار الدىندا اپەللياتسيالىق القا 17 سۇراق قويدى. ولاردىڭ ىشىندە:
- “بالىمنىڭ وپەراتسياسى 20-شى كۇنگە دەيىن جاسالسا, اسقىنۋدىڭ الدىن الۋ مۇمكىندىگى بولا ما;
- بالانىڭ جارالارىن ەشقانداي ءدارىسىز تاڭۋ كەزىندە 10 باللدىق جۇيە بويىنشا قانداي اۋىرسىنۋ سەزىندى?
- سونىمەن قاتار بالانىڭ جاراسىنىڭ پسيحولوگيالىق دامۋىنا اسەرى مەن ادامدارمەن قارىم-قاتىناستا, مانساپ قۇرۋدا پسيحوتراۆمالىق كومپلەكس بولا الا ما?”, – دەگەن ساۋالدار بولدى.
“بالا قازىر جۇرمەيدى. تاعى ءۇش وپەراتسيادان ءوتتى. ءاردايىم ءدارى ىشەدى. شەكسىز تاڭۋ. بالالار اۋرۋحاناسى جازالانسىن. كەيبىر ساراپشىلار ماعان قىسىم جاساي باستادى, مەن بۇل تۋرالى ادۆوكاتىما حابارلادىم”,- دەدى گۋلدەراي گاديلشينا.
ەسكە سالساق, اقتوبە اۋرۋحاناسى كۇيىك شالعان 3 جاسار قىزدى بىر اي بويى ەمدەمەي مۇگەدەك قىلدى دەپ ايىپتالعان ەدى. سوت شەشىمىمەن اۋرۋحانا قىزدىڭ وتباسىنا 10 ميلليون تەڭگە تولەۋگە مىندەتتەلدى.
