«Ashyq jarany dárisiz tańǵan»: Aqtóbe aýrýhanasy kúıik shalǵan 3 jasar qyzǵa 10 mıllıon teńge moraldyq shyǵyn tólegisi kelmeıdi

Foto otbasynyń jeke dereginen

Aqtóbe oblysynda aıaǵy qatty kúıip, saldarynan júre almaı, múgedektik alǵan 3 jasar qyzǵa dárigerler 10 mıllıon teńge ótemaqyny tóleýge kelispeıdi. Aýrýhana sot sheshimine qarsy shaǵymdanýda. Bul týraly Stan.kz aqparat agenttigi “Vremıa” portalyna silteme jasap habarlaıdy.

Derekterge súıensek, balalar aýrýhanasy qazir birinshi ınstanııa sotynyń sheshimine qarsy shaǵymdanýǵa tyrysyp jatyr. Jaýapker sottyń aýrýhana dárigerleriniń áreketteri men olardyń burynǵy naýqasyndaǵy densaýlyq jaǵdaıynyń nátıjeleri arasynda sebep-saldarlyq baılanys ornatpaǵanyn aıtady. Oblystyq sot ázirge sot-medıınalyq jáne psıhologııalyq-psıhıatrııalyq saraptamalar taǵaıyndaýǵa toqtaldy.

Sarapshylar aldynda apellıaııalyq alqa 17 suraq qoıdy. Olardyń ishinde:

• “Balymnyń operaııasy 20-shy kúnge deıin jasalsa, asqynýdyń aldyn alý múmkindigi bola ma;
• balanyń jaralaryn eshqandaı dárisiz tańý kezinde 10 balldyq júıe boıynsha qandaı aýyrsyný sezindi?
• Sonymen qatar balanyń jarasynyń psıhologııalyq damýyna áseri men adamdarmen qarym-qatynasta, mansap qurýda psıhotravmalyq kompleks bola ala ma?”, – degen saýaldar boldy.

“Bala qazir júrmeıdi. Taǵy úsh operaııadan ótti. Árdaıym dári ishedi. Sheksiz tańý. Balalar aýrýhanasy jazalansyn. Keıbir sarapshylar maǵan qysym jasaı bastady, men bul týraly advokatyma habarladym”,-  dedi Gýlderaı Gadılshına.

Eske salsaq, Aqtóbe aýrýhanasy kúıik shalǵan 3 jasar qyzdy bir aı boıy emdemeı múgedek qyldy dep aıyptalǵan edi. Sot sheshimimen aýrýhana qyzdyń otbasyna 10 mıllıon teńge tóleýge mindetteldi.