جاڭالىقتار
اسقان قاتىگەزدىكپەن جاسالعان: شقو-دا كۇشىكتى ورتەپ جىبەرگەندەردىڭ ۆيدەوسى تارادى
فوتو: اشىق دەرەككوز
الەۋمەتتىك جەلىلەردە تاعى ءبىر جانتۇرشىگەرلىك ۆيدەو تاراپ كەتتى. شقو-دا بەلگىسىز بىرەۋلەر كۇشىكتى قاماپ, ونى تىرىدەي ورتەپ جىبەرگەن, — دەپ حابارلايدى qandastar.kz Massaget.kzسايتىنا سىلتەپ.
جول جيەگىندە ورتەنىپ جاتقان ۇيشىكتى وسكەمەندىك ەرىكتىلەر بايقاپ قالعان. ءىشىن قاراعان كەزدە شىنجىرمەن بايلانعان ءولى كۇشىكتى تاپقان.
«ونى ءورتىپ جىبەرگەن. اسقان قاتىگەزدىكپەن جاسالعان: كۇشىك ۇيشىكتە قامالىپ قالعان, ەسىگى جاستىقپەن جابىلعان. قولعاپ كيىپ جاساعان, ول جەردە شاشىلىپ جاتىر, ۇيشىك مىقتى, ال شىنجىرى جاڭا», — دەپ جازىلعان ۆيدەودا.
شقو پوليتسيا دەپارتامەنتىنىڭ ءباسپاسوز قىزمەتى مالىمەتىنشە, جانۋارلارعا قاتىگەزدىك كورسەتۋ دەرەگى بويىنشا قىلمىستىق ءىس قوزعالعان. تەرگەۋ جۇرگىزىلىپ جاتىر.
