اسقار مامين, دانيال احمەتوۆ سەكىلدى ەكس-شەنەۋنىكتەردى سپورتقا جولاتپاۋ پەتيتسياسى باستالدى

قازاقستاندا وليگارحتار مەن بۇرىنعى شەنەۋنىكتەردى سپورت سالاسىنىڭ باسشىلىعىنان شىعارىپ, سپورت سالاسىندا رەفورمالار جۇرگىزۋدى تالاپ ەتكەن پەتيتسيا پايدا بولدى.

ازاماتتار وزەكتى ماسەلەلەرگە الاڭداۋشىلىق ءبىلدىرىپ, جاعدايدى جاقسارتۋعا باعىتتالعان ناقتى وزگەرىستەردى ۇسىنادى. نەگىزگى تالاپتارعا سپورت ۇيىمدارىنىڭ باسشىلىعىنان وليگارحتار مەن بۇرىنعى شەنەۋنىكتەردى الىپ تاستاۋ, مەملەكەت پەن سپورت فەدەراتسيالارىنىڭ ءوزارا ءىس-قيمىلىن قايتا قاراۋ, بيۋدجەت قاراجاتىن جۇمساۋداعى اشىقتىقتى ارتتىرۋ كىرەدى.

وتىنىشتە كورسەتىلگەن نەگىزگى ماسەلەلەر:

1. حالىقارالىق جارىستارداعى قاناعاتتانارلىقسىز ناتيجەلەر.
2. سپورت فەدەراتسيالارىن اشىق ەمەس باسقارۋ;
3. سپورتقا بولىنگەن بيۋدجەت قاراجاتىن ءتيىمسىز پايدالانۋ.

پەتيتسيانى قولداعان ازاماتتار اتالعان باستاما قازاقستاننىڭ سپورت يندۋسترياسىندا كوپتەن كۇتكەن رەفورمالاردىڭ باستالۋىنا ىقپال ەتەدى دەپ ۇمىتتەنەدى.

ءوتىنىش اۆتورى – ءماجىلىس دەپۋتاتتىعىنا ۇمىتكەر بولعان دىنمۇحامەد قاماتاي.

«نۇربول جۇماسقاليەۆ قازاقستان فۋتبول فەدەراتسياسىنىڭ پرەزيدەنتى بولۋى ءۇشىن, ال باقتيار ارتاەۆ بوكس فەدەراتسياسىنا جەتەكشىلىك ەتۋى ءۇشىن ءبىز بىرىگىپ, پەتيتسيامىزدى قولداۋىمىز كەرەك. كەز كەلگەن سپورت ءتۇرىنىڭ فەدەراتسيالارىنىڭ باسشىلىعىن مەملەكەت جەكە باسىنىڭ بايلانىسى ەمەس, كاسىبي قاسيەتتەرى بويىنشا تاعايىنداۋىن ۇسىنىپ وتىرمىز. ولاي بولسا, حوككەي فەدەراتسياسىنداعى اسقار مامين مەن جەڭىل اتلەتيكا فەدەراتسياسىنداعى دانيال احمەتوۆ سىندى قايراتكەرلەر ءوز قىزمەتتەرىنەن كەتەدى. ءبىز كاسىپقوي ەكس-سپورتشىلار مەن جاتتىقتىرۋشىلار جەتەكشىلىك قىزمەت اتقارۋىن قامتاماسىز ەتكىمىز كەلەدى. قازاق سپورتىنىڭ بولاشاعىن بىرگە وزگەرتە الامىز», – دەدى دىنمۇحامەد قاماتاي.

ەسكە سالايىق, بۇعان دەيىن قاماتاي امەريكا قۇراما شتاتتارىنداعى كوپتەگەن جاس سپورتشىلار ءۇشىن ترامپلين بولىپ تابىلاتىن ۇلتتىق كوللەدج اتلەتيكالىق اسسوتسياتسياسىنىڭ جۇيەسىن قازاقستاندا ەنگىزۋدى ۇسىنعان بولاتىن.