جاڭالىقتار
«اسقازانىم ءىرىپ كەتتى»: كۇنىنە 3 قۇتى ەنەرگەتيكالىق سۋسىن ىشكەن قازاقستاندىق باستان كەشكەنىن ايتىپ بەردى
فوتو: Stan.kz
تاڭات تىلەۋقابىل ءۇش اي بويى ەنەرگەتيكالىق سۋسىن ءىشىپ اۋرۋحانادان ءبىر-اق شىققان. دارىگەرلەر وعان “ميني ينسۋلت” دەگەن دياگنوز قويعان. Stan.kz تىلشىسى ەنەرگەتيكالىق سۋسىن ءىشىپ دەنساۋلىعىنان ايىرىلعانداردىڭ وقيعاسىن ايتىپ بەرەدى.
تارازدىق كاسىپكەر باسقار ەلەۋسىنوۆ ەكى جىل بۇرىن ەنەرگەتيكالىق سۋسىن ىشە باستاعان. جاز ايىندا قاتارىنان 4-5 اي ىشكەننەن كەيىن اسقازان-ىشەك جولدارى ءىرىپ, گاستريت اۋرۋىنا شالدىقتى. قانشا ەمدەلسە دە, اسقازانى كەيدە قاتتى اۋىرادى.
«اسقازانىم ءالى دە مازالايدى. اندا-ساندا گاستريت ۇستاماسى ۇستاپ تۇرادى. ءوز باسىما بالە تاۋىپ الدىم. ەنەرگەتيكالىق سۋسىندى ىشپەي تۇرىپ دەنساۋلىعىم جاقسى ەدى. قازىر ديەتا ۇستاپ, دۇرىس تاماقتانۋ رەجيمىن (پپ) قاداعالاپ ءجۇرمىن. تاعى ءبىر جىلدان كەيىن دوستارىم ءىشىپ كور دەپ ۇسىندى. سول كەزدە ءىشىپ قالىپ ەدىم, بىردەن اسقازانىم جيىلىپ, تۇيىلە كەتتى. سودان بەرى بۇل سۋسىندى كورسەم قورقا قارايمىن», – دەدى باسقار ەلەۋسىنوۆ.
ال تاعى ءبىر استانالىق بلوگەر تاڭات تىلەۋقابىل جەلىنى جارامىن دەپ, ءوز ومىرىمەن حوش ايتىسا جازدادى. ول ءبىر بلوك ەنەرگەتيكالىق سۋسىندى ساتىپ الىپ, ونىڭ زيان ەكەنىن وقىرماندارعا دالەلدەگىسى كەلگەن.
ء«بىر ۋاقىتتا ەنەرگەتيكالىق سۋسىننىڭ 1-2 قۇتىسىن ىشەپ كورىپ ەدىم, سول كۇنى ءوزىمدى جايسىز سەزىندىم. كونتەنت ءتۇسىرىپ جۇرگەننەن كەيىن ۆيدەومنان ونەگە, قانداي دا ءبىر پايداسى بولسىن دەگەن ماقساتتا ەكسپەريمەنت جاساپ كوردىم. 1 بلوك ەنەرگەتيكالىق سۋسىن ساتىپ الدىم. سونىڭ ءبارىن 24 ساعاتتا ءىشىپ ءبىتىرۋىم كەرەك. سول كەزدە بىردەن سۋسىننىڭ 7 قۇتىسىن ءىشىپ, ءارى قاراي ەسىمنەن تانىپ قالدىم. جەدەل جاردەم كەلىپ, ولار مەنى جانساقتاۋ بولىمىنە جەتكىزدى. دەنساۋلىعىم وڭالعاننان كەيىن پالاتاعا اۋىستىرىپ, 2 اپتا بويى ەم-شارا قابىلدادىم. اسقانىم تۇگەلدەي ب ۇلىنگەن. تاماق ىشە المادىم. 7 كەلىگە ارىقتاپ كەتتىم. قازىر ءوزىمنىڭ جۇيكە جۇيەمدى زاقىمداپ الدىم. بىر نارسە بولسا, اشۋلانىپ تۇراتىن بولدىم», – دەدى تاڭات تىلەۋقابىل.
الماتىداعى №4 كلينيكالىق اۋرۋحانا دارىگەرلەرىنىڭ ايتۋىنشا, كەيىنگى 7-8 جىلدا ەنەرگەتيكالىق سۋسىن سالدارىنان ءارتۇرلى دياگنوزبەن تۇسەتىن ناۋقاستاردىڭ, اسىرەسە, جاستاردىڭ سانى كۇرت وسكەن. جارتى جىلدا 25 ناۋقاس وسى سۋسىننىڭ قۇربانى بولىپ, اۋرۋحاناعا جاتىپ شىققان.
«جاسى 28-دەگى ناۋقاس وتە اۋىر جاعدايمەن, ياعني گەموروگيالىق ينسۋلتپەن ءتۇستى. ناۋقاستىڭ اۋرۋ تاريحىن سۇراساق, ول كۇنىنە 2-3 قۇتى ەنەرگەتيكالىق سۋسىن تۇتىنعان. ءوزى ءىت مامانى, كوپ ۋاقىتىن كومپيۋتەر الدىندا وتكىزگەندىكتەن ءجيى قابىلداعان. جەدەل تۇردە ناۋقاسقا نەيروحيرۋرگتارمەن وپەراتسيا جاسالدى. باسىنا ترەپوناز جاساپ, ميىنداعى گەموتوما الىپ تاستالدى. ەر ادام ءبىر اپتادان اسا وكپەنىڭ جاساندى جەلدەتۋ اپپاراتىندا دەمالدى. قازىر ديناميكالىق جاعدايدا دەنساۋلىعى جاقسارىپ كەلەدى. تۇسكەن كەزدە وڭ جاعىندا گەميپورەز, وڭ جاق قول-اياعى سالدانعان. اقىرىنداپ وعان دا جان ءبىتىپ كەلە جاتىر», – دەپ ءتۇسىندىردى №4 كلينيكالىق اۋرۋحانا ديرەكتورىنىڭ حيرۋرگيا جونىندەگى ورىنباسارى تەمىرحان قوجاحمەتوۆ.
ەلىمىزدە جاستار ەنەرگەتيكالىق سۋسىندى كۇنىنە 2-3 قۇتى ءىشىپ, كوز جۇمىپ جاتىر. سۋسىننىڭ قۇرامىنداعى قانت, تاۋرين, كوفەين, گۋارانا, نياتسين, فولي قىشقىلى بار قوسپالار ادام دەنساۋلىعىنا وتە زيان.
ال اۋرۋحانانىڭ قابىلداۋ ءبولىمىنىڭ مەڭگەرۋشىسى ماگادين حايروەۆ ەنەرگەتيكالىق سۋسىن ءىشىپ, سوڭى قايعىلى جاعدايمەن اياقتالعان وقيعالاردىڭ ءبىرىن ايتىپ بەردى.
«بيىل جىل باسىنان بەرى مىنانداي ءبىر جاعداي بولدى. ناۋقاس اۋەجايدان جەدەل جاردەممەن جەتكىزىلدى. بۇل ناۋقاستىڭ وقيعاسى قايعىلى ولىممەن اياقتالدى. ناۋقاس اۋەجايدا ءبىر ستاقان ۆيسكي ءىشىپ, ارتىنان ەنەرگەتيكالىق سۋسىن تۇتىنعان. سودان بىردەن جۇرەك ايماعى اۋىرسىنعان. ال ول بىزگە ينفاركتپەن كەلدى. 25 جاستاعى ول جەدەل جاردەم بولىمىنە ەمەس, بىردەن جانساقتاۋ بولىمىنە اۋىستىرىلدى. ونى قۇتقارىپ قالۋ ءۇشىن بارلىق نارسەنى ىستەدىك. وكىنىشكە قاراي, ول ءبىر كۇننەن كەيىن كوز جۇمدى. ەنەرگەتيكالىق سۋسىن قانشالىقتى تەز اسەر ەتەدى? ودان ادام قانداي دا بار ەموتسيا نەمەسە كايف پەن كۇش الاتىنى تۇسىنىكتى. كۇنىنە ەك-ءۇش قۇتى ىشكەن ادامعا بۇل دا تۇك بولمايدى. سودان ول تاۋەلدىلىككە ۇلاسادى», – دەدى ماگادين حايروەۆ.
ماگادين حايروەۆتىڭ ايتۋىنشا, مۇنداي ناۋقاستار باسقالار سەكىلدى كادىمگى تاماق جەي المايدى. وسىلايشا بار ءومىرى مەن ۋاقىتىن ەنەرگەتيكالىق سۋسىنمەن عانا وتكىزەدى.
ۆيدەو سۇحباتتىڭ تولىق نۇسقاسىن ءدال قازىر Stan.kz YouTube ارناسىنان كورىڭىز.
