Jańalyqtar
«Asqazanym irip ketti»: Kúnine 3 quty energetıkalyq sýsyn ishken qazaqstandyq bastan keshkenin aıtyp berdi
Foto: Stan.kz
Tańat Tileýqabyl úsh aı boıy energetıkalyq sýsyn iship aýrýhanadan bir-aq shyqqan. Dárigerler oǵan “mını ınsýlt” degen dıagnoz qoıǵan. Stan.kz tilshisi energetıkalyq sýsyn iship densaýlyǵynan aıyrylǵandardyń oqıǵasyn aıtyp beredi.
Tarazdyq kásipker Basqar Eleýsinov eki jyl buryn energetıkalyq sýsyn ishe bastaǵan. Jaz aıynda qatarynan 4-5 aı ishkennen keıin asqazan-ishek joldary irip, gastrıt aýrýyna shaldyqty. Qansha emdelse de, asqazany keıde qatty aýyrady.
«Asqazanym áli de mazalaıdy. Anda-sanda gastrıt ustamasy ustap turady. О́z basyma bále taýyp aldym. Energetıkalyq sýsyndy ishpeı turyp densaýlyǵym jaqsy edi. Qazir dıeta ustap, durys tamaqtaný rejımin (PP) qadaǵalap júrmin. Taǵy bir jyldan keıin dostarym iship kór dep usyndy. Sol kezde iship qalyp edim, birden asqazanym jıylyp, túıile ketti. Sodan beri bul sýsyndy kórsem qorqa qaraımyn», – dedi Basqar Eleýsinov.
Al taǵy bir astanalyq bloger Tańat Tileýqabyl jelini jaramyn dep, óz ómirimen hosh aıtysa jazdady. Ol bir blok energetıkalyq sýsyndy satyp alyp, onyń zııan ekenin oqyrmandarǵa dáleldegisi kelgen.
«Bir ýaqytta energetıkalyq sýsynnyń 1-2 qutysyn ishep kórip edim, sol kúni ózimdi jaısyz sezindim. Kontent túsirip júrgennen keıin vıdeomnan ónege, qandaı da bir paıdasy bolsyn degen maqsatta eksperıment jasap kórdim. 1 blok energetıkalyq sýsyn satyp aldym. Sonyń bárin 24 saǵatta iship bitirýim kerek. Sol kezde birden sýsynnyń 7 qutysyn iship, ári qaraı esimnen tanyp qaldym. Jedel járdem kelip, olar meni jansaqtaý bólimine jetkizdi. Densaýlyǵym ońalǵannan keıin palataǵa aýystyryp, 2 apta boıy em-shara qabyldadym. Asqanym túgeldeı búlingen. Tamaq ishe almadym. 7 kelige aryqtap kettim. Qazir ózimniń júıke júıemdi zaqymdap aldym. Bir nárse bolsa, ashýlanyp turatyn boldym», – dedi Tańat Tileýqabyl.
Almatydaǵy №4 klınıkalyq aýrýhana dárigerleriniń aıtýynsha, keıingi 7-8 jylda energetıkalyq sýsyn saldarynan ártúrli dıagnozben túsetin naýqastardyń, ásirese, jastardyń sany kúrt ósken. Jarty jylda 25 naýqas osy sýsynnyń qurbany bolyp, aýrýhanaǵa jatyp shyqqan.
«Jasy 28-degi naýqas óte aýyr jaǵdaımen, ıaǵnı gemorogııalyq ınsýltpen tústi. Naýqastyń aýrý tarıhyn surasaq, ol kúnine 2-3 quty energetıkalyq sýsyn tutynǵan. О́zi IT mamany, kóp ýaqytyn kompıýter aldynda ótkizgendikten jıi qabyldaǵan. Jedel túrde naýqasqa neırohırýrgtarmen operaııa jasaldy. Basyna treponaz jasap, mıyndaǵy gemotoma alyp tastaldy. Er adam bir aptadan asa ókpeniń jasandy jeldetý apparatynda demaldy. Qazir dınamıkalyq jaǵdaıda densaýlyǵy jaqsaryp keledi. Túsken kezde oń jaǵynda gemıporez, oń jaq qol-aıaǵy saldanǵan. Aqyryndap oǵan da jan bitip kele jatyr», – dep túsindirdi №4 klınıkalyq aýrýhana dırektorynyń hırýrgııa jónindegi orynbasary Temirhan Qojahmetov.
Elimizde jastar energetıkalyq sýsyndy kúnine 2-3 quty iship, kóz jumyp jatyr. Sýsynnyń quramyndaǵy qant, taýrın, kofeın, gýarana, nıaın, folı qyshqyly bar qospalar adam densaýlyǵyna óte zııan.
Al aýrýhananyń qabyldaý bóliminiń meńgerýshisi Magadın Haıroev energetıkalyq sýsyn iship, sońy qaıǵyly jaǵdaımen aıaqtalǵan oqıǵalardyń birin aıtyp berdi.
«Bıyl jyl basynan beri mynandaı bir jaǵdaı boldy. Naýqas áýejaıdan jedel járdemmen jetkizildi. Bul naýqastyń oqıǵasy qaıǵyly ólimmen aıaqtaldy. Naýqas áýejaıda bir staqan vıskı iship, artynan energetıkalyq sýsyn tutynǵan. Sodan birden júrek aımaǵy aýyrsynǵan. Al ol bizge ınfarktpen keldi. 25 jastaǵy ol jedel járdem bólimine emes, birden jansaqtaý bólimine aýystyryldy. Ony qutqaryp qalý úshin barlyq nárseni istedik. О́kinishke qaraı, ol bir kúnnen keıin kóz jumdy. Energetıkalyq sýsyn qanshalyqty tez áser etedi? Odan adam qandaı da bar emoııa nemese kaıf pen kúsh alatyny túsinikti. Kúnine ek-úsh quty ishken adamǵa bul da túk bolmaıdy. Sodan ol táýeldilikke ulasady», – dedi Magadın Haıroev.
Magadın Haıroevtyń aıtýynsha, mundaı naýqastar basqalar sekildi kádimgi tamaq jeı almaıdy. Osylaısha bar ómiri men ýaqytyn energetıkalyq sýsynmen ǵana ótkizedi.
Vıdeo suhbattyń tolyq nusqasyn dál qazir Stan.kz YouTube arnasynan kórińiz.
