“Áskerde ıntımdik shekara joq“: Dına Tólepbergen Erbaıan Muhtardyń oqıǵasyna qatysty jańa derekti bólisti

Tanymal jýrnalıst Dına Tólepbergen áskerde júrip aýyr jaraqat alǵan Erbaıan Muhtardyń isine qatysty pikir bildirdi. Bul týraly Stan.kz aqparat agenttigi habarlaıdy.

BAQ ókiliniń kómekshileri Erbaıan boryshyn ótep jatqan áskerı bólimshege baryp, polkovnıkten pikir alǵan.

“Esinen tanyp qulady ma, álde uryp qulatty ma? Mindetin atqaramyn dep múgedek bolǵan Erbaıan Muhtardyń jaǵdaıyna baılanysty elimizdiń barlyq azamattary sekildi meniń de kókeıimde suraq kóp. Kómekshilerim Ulttyq Ulannyń 5571 áskerı bólimine baryp, eleń etkizer faktilerdi tapty», – dep málimdedi jýrnalıst.

Odan keıin polkovnıktiń túsindirýinshe, sarbaz “Ochko” degen jerde dáret syndyrǵannan keıin shalqasynan qulaǵan.

“Ochko” degen sózin túsinip turǵanym joq. Internette «ochko» dep izdegenimde mynandaı sýretter shyqty. Tizilgen tesikter. Rasynda osyndaı bolsa, áskerdegi dárethanada ıntımdik shekara degen atymen joq eken. Árıne, bul meniń paıymym, sebebi bizdi ishke kirgizbedi. Polkovnıktiń aıtýynsha, álgi “ochkoda” Erbaıannyń qulaǵanyn kórgen kýáger bolǵan eken. Biraq úlken sebeppen kómektese almapty», – deıdi Dına Tólepbergen.

Eske salsaq, buǵan deıin Almaty oblysynda áskerı bólimde jaraqat alyp, alty aı boıy komada jatqan sarbazdyń anasy ádildik talap etkeni týraly jazǵan edik. Sodan keıin bas áskerı prokýratýra Erbaıan Muhtardyń isine qatysty málimdeme jasady. Jaqynda onyń aýrýhanadan shyǵarylǵany aıtyldy.