جاڭالىقتار
اسكەردە سوڭعى 4 جىلدا 86 سۋيتسيد ورىن العان: مينيسترلىك نە دەيدى?
فوتو: اشىق دەرەككوز
حالىقارالىق ىستەر, قورعانىس جانە قاۋىپسىزدىك كوميتەتى سوڭعى 4 جىلداعى كورسەتكىشتەرمەن, اسكەردەگى سۋتسيدكە قاتىستى مالىمەتتەرمەن ءبولىستى, دەپ حابارلايدى qandastar.kz.
ەسەپ بويىنشا قورعانىس مينيسترلىگىندە, ۇلتتىق ۇلاندا, ۇقكم, سقا جانە تجم شەكارا قىزمەتىندە 86 سۋيتسيد ورىن العان. ەگەر تەك قارۋلى كۇشتەردى (اك) الساق, وندا 40 سۋيتسيد فاكتىسى (7 وفيتسەر, 22 كەلىسىمشارت جاساۋشى, 4 كۋرسانت جانە 7 مەرزىمدى باسشى) تىركەلگەن.
«6 فاكت بويىنشا تەرگەۋ ءجۇرىپ جاتىر, قالعان 34 جاعداي قىلمىستىق قۇرامى جوق دەپ جابىلدى. قىزمەتتىك تەرگەۋدەن كەيىن 11 ادام جۇمىستان شىعارىلدى, 167 ادام تارتىپتىك جازا الدى», – دەيدى كوميتەت مۇشەسى كونستانتين اۆەرشين.
قورعانىس مينيسترلىگى وكىلدەرى «اسكەردەگى ءولىمنىڭ كوپ جاعدايدا اسكەري قىزمەتكە قاتىسى جوق» دەپ سانايدى. بۇعان دەيىن قورعانىس ءمينيسترىنىڭ تاربيە جانە يدەولوگيالىق جۇمىستار جونىندەگى ورىنباسارى شايح-حاسان جازىقباەۆ ەلدە اسكەري قىزمەتكەرلەردىڭ ءولىمى مەن جاراقاتتانۋىنا نەگىزىنەن قارۋ-جاراق پەن وق-دارىلەردى پايدالانۋعا سالعىرت قاراۋ, تەحنيكانى پايدالانۋ كەزىندە قاۋىپسىزدىك ەرەجەلەرىن ساقتاماۋ, جۇمىستان تىس ۋاقىتتا جول-كولىك وقيعالارى, سىرقاتتانۋ, سۋيتسيد پەن «وتباسىنداعى كيكىلجىڭدەرگە بايلانىستى» وزىنە قول جۇمساۋعا تىرىسۋ جايتتارى سەبەپ ەكەنىن ايتتى.
دەرەكتەرگە سۇيەنسەك, 2020 جىلدان بەرى قازاقستاندا 270 اسكەري قىزمەتكەر قازا بولعان. رەسمي مالىمەت بويىنشا, ولاردىڭ ولىمىنە كوپ جاعدايدا اۋرۋ, جول اپاتى مەن سۋيتسيد سەبەپ.
