Áskerde sońǵy 4 jylda 86 sýııd oryn alǵan: Mınıstrlik ne deıdi?

Foto: ashyq derekkóz

Halyqaralyq ister, qorǵanys jáne qaýipsizdik komıteti  sońǵy 4 jyldaǵy kórsetkishtermen, áskerdegi sýıdke qatysty málimettermen bólisti, dep habarlaıdy qandastar.kz.

Esep boıynsha Qorǵanys mınıstrliginde, Ulttyq ulanda, UQKM, SQA jáne TJM Shekara qyzmetinde 86 sýııd oryn alǵan. Eger tek Qarýly Kúshterdi (ÁK) alsaq, onda 40 sýııd faktisi (7 ofıer, 22 kelisimshart jasaýshy, 4 kýrsant jáne 7 merzimdi basshy) tirkelgen.

«6 fakt boıynsha tergeý júrip jatyr, qalǵan 34 jaǵdaı qylmystyq quramy joq dep jabyldy. Qyzmettik tergeýden keıin 11 adam jumystan shyǵaryldy, 167 adam tártiptik jaza aldy», – deıdi  komıtet múshesi Konstantın Avershın.

Qorǵanys mınıstrligi ókilderi «áskerdegi ólimniń kóp jaǵdaıda áskerı qyzmetke qatysy joq» dep sanaıdy. Buǵan deıin Qorǵanys mınıstriniń tárbıe jáne ıdeologııalyq jumystar jónindegi orynbasary Shaıh-Hasan Jazyqbaev elde áskerı qyzmetkerlerdiń ólimi men jaraqattanýyna negizinen qarý-jaraq pen oq-dárilerdi paıdalanýǵa salǵyrt qaraý, tehnıkany paıdalaný kezinde qaýipsizdik erejelerin saqtamaý, jumystan tys ýaqytta jol-kólik oqıǵalary, syrqattaný, sýııd pen «otbasyndaǵy kıkiljińderge baılanysty» ózine qol jumsaýǵa tyrysý jaıttary sebep ekenin aıtty.

Derekterge súıensek, 2020 jyldan beri Qazaqstanda 270 áskerı qyzmetker qaza bolǵan. Resmı málimet boıynsha, olardyń ólimine kóp jaǵdaıda aýrý, jol apaty men sýııd sebep.