Áskerde taǵy bir sarbaz qaıtys boldy

Áskerdegi ólimder tyıylar emes: taǵy bir jas sarbaz kóz jumdy, dep habarlaıdy qandastar.kz

Qazaqstanda ásker qatarynda júrgen 19 jastaǵy Dinmuhamed Shynarbektiń qaza tapqany týraly aqparat áleýmettik jelilerde jarııalandy. Bul qaıǵyly habardy onyń ápkesi taratty.

Dinmuhamed Shynarbek áskerge egizi Danııalmen birge shaqyrylǵan. Kúzde Danııal, al kóktemde Dinmuhamed boryshyn óteýge attandy. Jigitter Otarda birge qyzmet etýdi qalaǵanymen, ant qabyldaǵan soń Dinmuhamedti basqa áskerı bólimge – Otar mańyndaǵy Mátibulaq aýylyndaǵy 01098 bólimge aýystyryp, egizin bólek jibergen.

Resmı derek boıynsha, jas sarbaz dál osy bólimde óz-ózine qol jumsaǵan. Alaıda týystary bul nusqaǵa senbeı otyr.

29 tamyz kúni Dinmuhamed nebári 19 jasqa tolǵan edi. Ápkesiniń aıtýynsha, ol eńbekqor, meıirimdi, bolashaqqa úlken josparlar qurǵan jigit bolǵan. Qazir otbasy qazanyń shynaıy sebebin anyqtaýdy jáne ádildiktiń ornaýyn talap etýde.