Áskerde júrip, múgedek bolǵan: Erbaıan Muhtar Túrkııaǵa aman-esen jetti

Foto: Instagram/inga_imanbay

Ulttyq ulanda qyzmet etip júrip, múgedek bolyp qalǵan Erbaıan Muhtar Astanadan Túrkııaǵa aman-esen ushyp jetti, dep habarlaıdy Azattyq Rýhy.

Qazir ol Ystambuldaǵy «Medıkal Park» klınıkasynda. Bul týraly Instagram paraqshasynda otbasynyń quqyq qorǵaýshysy Inga Imanbaı habarlady.

«Erbaıan Stambýlǵa aman-esen jetip, «Medıkal-Park» klınıkasyna ornalasty. Ata-anasy qasynda. Uzaq joldy jaqsy kóterdi. Densaýlyǵy jaqsy. Tańnan tileýin tilep otyrǵan kópshilikke alǵys aıtamyz», – dep jazdy ol.

Esterińizge salaıyq, byltyr jeltoqsan aıynda Almatydaǵy 5571 áskerı bólimniń ulttyq gvardııasynda qyzmet etken Erbaıan Muhtar komaǵa túsken bolatyn. Áskerı bólimdegiler onyń ájethanada qulap, basyn plıtkaǵa soǵyp alǵanyn aıtyp, bul oqıǵany jazataıym jaǵdaı dep túsindirgen. Alaıda týystary buǵan senbeıdi.