Jańalyqtar
Áskerdegi sarbazdarǵa jylqy súti men etin berý kerek — depýtat
Bıe sútin óńdeıtin zaýyttardy jylqy kóp shoǵyrlanǵan óńirlerde ashý kerek. Bul týraly Parlament Májilisinde mal sharýashylyǵy ónimderin tereń óńdeý taqyrybyna arnalǵan Úkimet saǵatynda depýtat Amanjol Áltaı aıtty,-dep habarlaıdy Qandastar.kz
«Jylqy sútin tereńdetip óńdeý arqyly qazaq halqynyń ulttyq brendine aınaldyrý múmkindigimiz bar. Jylqy sútin óńdeıtin zaýyttar salý josparda bar ma? Sút óńdeıtin zaýytty jylqy kóp shoǵyrlanǵan Ulytaý, Abaı oblysy sekildi óńirlerde ashqan jón bolady. Bıe sútiniń Germanııada, Franııada, Qytaı elderinde suranysy joǵary. Qorǵanys mınıstrligi sarbazdarymyzdy bıe sútimen jáne jylqy eti ónimderimen tamaqtandyrý máselesine basqa mınıstrlikpen birlese mán bergeni abzal», — dedi A. Áltaı.
О́z kezeginde Aýyl sharýashylyǵy mınıstri Aıdarbek Saparov elimizdiń óńirlerinen bıe sútin óńdeıtin kásiporyn ashýdy qarastyryp otyrǵandarǵa qoldaý jasaýǵa daıyn ekenin aıtty.
«Ár oblysta bıe baılaǵan adamdar barshylyq. Biraq saýmaldy ótkizý problemasy bar. О́ndirýshiler Eýropaǵa shyǵara almaı jatqanyn aıtty. Sonymen qatar, Qytaıǵa ótkizýge surap jatyr. Atap aıtqanda, BAÁ-ge jiberip jatyrmyz. Qytaı baǵytynda shekteýdi alyp tastadyq, qazir reestrge engizý jumystaryn atqaryp otyrmyz. Eger suranys bolsa, zaýyt salýdy josparlaǵan adamdar bar», — dedi mınıstr.
