Áskerge barǵan sarbaz eki aıdan keıin jyndyhanaǵa tústi

Foto: ashyq derekkóz

Almaty qalasyndaǵy 61993 áskerı bólimine attanǵan Temirǵalı Danııar eki aıdan keıin jyndyhanaǵa tústi, dep habarlaıdy qandastar.kz

О́z erkimen áskerge ketken Danııar eki aptadan soń qysym kórgenin ata-anasyna aıtqan. Sarbazdyń anasy Syrajanova Saltanat Orda.kzredakııacyna suhbat berdi.

Aqtóbe qalasynyń turǵyny Temirǵalı Danııar 18 jasqa tolǵan kezde óz erkimen áskerı komıssarıatqa baryp, tekseristen ótip, 3-tamyzda Almaty qalasyndaǵy 61993 áskerı bólimine qabyldanyp, sarbaz atandy.

«Men balamnyń áskerge barǵanyn qalamadym. Biraq balam meni tyńdamady. Balam grek-rım kúresinen sport sheberligine kandıdat. Áskerge barǵan alǵashqy eki aptada jaqsy kóńil kúımen habarlasyp júrdi. Eki aptadan keıin vıdeomen sóılesken kezde qulaǵy qanap, maqta tyǵyp alǵan eken. Ne boldy dep suraǵanymda «Qulaǵym aýyryp júr. Serjant oryndyqpen urdy dep aıtty», – deıdi anasy.

Danııardyń soqqydan keıin basy aınalyp, qulaǵy men murnynan qan ketip, jaǵdaıy nasharlaı bastaǵan. Arada bir apta ýaqyt ótkennen keıin ata-anasyna habar keldi.

«Maǵan telefon shalyp, balańyz sóılemeıdi, tamaq ishpeıdi, sóılete almaı jatyrmyz dep habarlasty. Balamyz sóılemeı qaldy degendi estigen soń ákesi balamnyń janyna ketti», – dedi Saltanat.

Anasynyń aıtýynsha, ákesi janyna barǵannan keıin de Danııar 3 saǵattaı ákesin tanymaı, basyn shaıqap tildese almaǵan. О́z-ózine kelgennen keıin Danııar ákesimen úıge qatpaımyn, osy áskerdi aıaqtap shyǵamyn dep qarsylasty. Arada bir apta ótkennen keıin Danııar ant qabyldady. Ant qabyldaý rásimine ákesi janynda boldy. Rásim barysynda Danııar ózin urǵan serjantty ákesine kórsetip, tipti sýretke de túsirip alǵan.

«Balańyz sóılemeı, tamaq ishpeı qaldy» degen kezde Almatyǵa janyna keldim sol kezde balam maǵan «monshaǵa kirgizip alyp urady» dedi. Sol kezde alyp keteıin dep edim, qaıtýǵa namystanyp, «ólsem osynda ólemin» dep qaıtýdan bas tartty. Arada biraz ýaqyt ótip ant qabyldaý rásimine kelgenimde «Balańyz taǵy sóılemeı qaldy» dep aıtty», – dedi ákesi.

Ant qabyldaý rásimi kezinde Danııardyń ákesiniń janyna psıholog kelip: «Aryz shaǵymyńyz bar ma? Búgin sizdiń balańyzdy ursa, erteń basqanyń balasyn urady ǵoı jasyrmaı aıtsańyzshy» dep suraǵan.

«Balam óz erkimen qalamyn, áskerdi aıaqtap shyǵamyn degen soń eshqandaı uryp-soqqanyn aıtpadym. Arada birshama ýaqyt ótken soń, óz-ózine qol jumsap jatyr dep habarlasty», – deıdi anasy.

Anasy Saltanat densaýlyǵyna baılanysty ota jasatyp úıge kelgen kezde habar keldi. Otadan jańa shyqqan ana densaýlyǵyna qaramaı,  táýekelge baryp, balasy úshin Almaty qalasyna ushaqpen ushyp keldi.

«Almaty qalasyndaǵy áskerı gospıtalge barsam, balam meni tanymaıdy. Menen qashyp burysh-buryshqa tyǵyla beredi. Denesi tyrysyp qalǵan. Jaǵdaıy óte aýyr boldy. Janynda biraz ýaqyt otyrǵannan keıin dárethanaǵa baryp keleıin dep syrtqa shyǵyp kelsem, bólmede balam joq. Bólmelerdi qarap júrip balamdy taýyp aldym. Balamnyń janyna barsam bir paraq qystyryp qoıypty, balam jylap tur eken. «Bul ne qaǵaz?» dep suraǵanymda psıholog: «Bul balańyzdyń «jyndy» degen qaǵazy» dep jaýap berdi. Janynda turǵan komandıri maǵan mysqyldap, «habarlasatyn jerińizge habarlasyńyz» dep aıtty. Maǵan komandıri terezeden sekirgeli jatqan jerinen qutqaryp qaldym dedi. Olar ótirik aıtady, balamdy óz kózimmen kórip turmyn ǵoı, balamnyń terezeden sekirmek túgili júrýge shamasy joq», – dedi anasy.

Qazirgi tańda Danııar Astana qalasyndaǵy áskerı gospıtaldiń psıhıatrırııalyq bóliminde jatyr. Anasy Astana qalasyna kelgeli jaǵdaıy jaqsaryp, sóılese bastaǵanyn aıtty. Astanadaǵy psıholog dárigeri Danııardyń ábden qorqyp, úreılenip qalǵanyn aıtqan.