اسكەرگە بارماعاندار قىلمىستىق جاۋاپكەرشىلىككە تارتىلادى

بيىل كۇزدە اسكەر قاتارىنا شاقىرىلعان 20 مىڭنان استام ازامات مىندەتىن وتەمەسە, اكىمشىلىك جانە قىلمىستىق جاۋاپكەرشىلىككە تارتىلادى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.

«اسكەري قىزمەتكە شاقىرىلعان ازاماتتار جەرگىلىكتى اسكەري باسقارۋ ورگانىنىڭ شاقىرۋ كوميسسياسىنا كەلۋگە مىندەتتى», – دەپ باسىپ ايتتى قر قارۋلى كۇشتەرى باس شتابى ۇيىمداستىرۋ-جۇمىلدىرۋ جۇمىسى دەپارتامەنتى باستىعىنىڭ ورىنباسارى فارحات ايدارباەۆ.

شاقىرۋ قاعازى اسكەرگە بارۋى كەرەك ادامنىڭ جەكە وزىنە نەمەسە جۇمىسىنا, وقۋ ورنى بويىنشا ۇيىم باسشىلارىنا قول قويعىزۋ ارقىلى, بولماسا سمس-حابارلاما ارقىلى تاپسىرىلادى. شاقىرۋ قاعازىن ازاماتتىڭ جەكە وزىنە تاپسىرۋ مۇمكىن بولماعان جاعدايدا, ونىڭ كەلۋىن قامتاماسىز ەتۋ ءتيىستى ىشكى ىستەر ورگاندارىنا جۇكتەلەدى.

ايتا كەتەيىك, ەگەر حابارلاما العان ازامات اسكەرگە بارماسا, مەرزىمدى اسكەري قىزمەتكە شاقىرىلۋدان باس تارتقانى ءۇشىن زاڭنامادا اكىمشىلىك جانە قىلمىستىق جاۋاپكەرشىلىككە تارتىلادى.