Jańalyqtar
Áskerge shabytpen attanǵan balalar tabytpen oralmaýy kerek – depýtat
Foto: ashyq derekkóz
«Dardaı balanyń áskerdegi ájethananyń ishinde qulap, basyn jaryp aldy degeni aqylǵa qona ma, joq pa? Men bul nusqaǵa múldem senbeımin».
Májilis depýtaty Nartaı Sársenǵalıev áskerdegi álimjettik áli de órship tur degen pikirde, dep habarlaıdy Skifnews.kz aqparat portaly.
«Elin, memleketin, Otanyn qorǵaımyn dep áskerge shabytpen attanǵan balalar tabytpen oralmaýy kerek. О́zimiz kórip jatyrmyz, sap-saý ketken balalar áskerge barady, 5-10 myń teńgeden árkimnen aqsha suraıdy, eń sońynda múgedek bolyp tósekke tanylyp kelip jatyr. Osydan keıin «áskerge balańdy jiber, Otan qorǵaýy kerek» dep biz qaı ata-anaǵa aıtamyz, kimdi mindetteımiz, kimdi úgitteımiz – suraq osynda. Sondyqtan da men áskerdegi álimjettik áli de órship tur degen pikirdemin. Muny joqqa shyǵara almaımyz», – dedi halyq qalaýlysy Úkimet úıiniń kýlýarynda.
Sózinshe, áskerdegi álimjettikten zardap shekken balalarǵa qatysty tergeýdi de muqııat qaraý kerek.
«Jýyrda bizdiń baýyrymyz (red. – sarbaz Erbaıan Muhtar) zardap shekti. Almatyda qaraldy, qazir úıine oraldy. Halqymyz 200 mln teńgeden astam qarjy jınap berdi. Biraq dardaı balanyń áskerdegi ájethananyń ishinde qulap, basyn jaryp aldy degeni aqylǵa qona ma, joq pa? Men bul nusqaǵa múldem senbeımin. Sondyqtan da áskerdegi álimjettikti toqtatý kerek, reforma qajet. Jýrnalıstik mansabymda tıisti mınıstrlikpen suhbattasqan kezde olar barlyq jerge beınebaqylaý kameralaryn qoıamyz dedi, barlyq jerge qoıylsa, ol beınekamera men nátıjesi qaıda? (…) Áskerden bólek, sol bolǵan jaǵdaıdy tekseretin, tergeıtin organdardyń arasynda qandaı da bir sybaılastyq bar ma degen mende kúmán týady. Muny joqqa shyǵara almaımyn. Bul máselemen jiti aınalysýymyz kerek», – dedi Sársenǵalıev.
Ol áskerge tolyqqandy reforma jasaý qajet degen pikirde.
О́z kezeginde Densaýlyq saqtaý mınıstri Aqmaral Álnazarova áskerden múgedek bop oralǵan Erbaıan Muhtarǵa qatysty pikir bildirdi
«Medıınalyq kómektiń áskerı vedomstvolyq qyzmettiń mamandarymen kórsetiletinin aıta ketý kerek. Biraq biz Densaýlyq saqtaý mınıstrligi óz tarapynan bul máseleni ustap otyr. Tıisti konsılıým júrgizýge, basqa da kómek kórsetýge tolyǵymenen daıynbyz. Biz bul jumysty atqaryp jatyrmyz. Negizi DSM tarapynan bul másele baqylaýda», – dedi ol.
Sózinshe, ásker qatarynda boryshyn ótep júrgen jas sarbazdardyń densaýlyǵyna tıisti medıınalyq komıssııa qaraıdy.
