Jańalyqtar
Áskerı bólim aýmaǵynda úsh adam mert boldy
Arys qalasyndaǵy áskerı bólim aýmaǵynda úsh adam qaza tapty, dep habarlaıdy qandastar.kz.
Qorǵanys mınıstrliginiń málimetinshe, olar káriz júıesine qyzmet kórsetý men tazalaý jumystaryn júrgizý kezinde káriz gazymen ýlanǵan.
Oqıǵa 5 shildede bolǵan. Qaıtys bolǵandardyń ekeýi – jumysshy jáne bireýi –kelisimshart boıynsha áskerı qyzmetshi.
«Oqıǵa jumys barysynda abaısyzda qudyqqa qulap ketken Shymkent aýdandyq paıdalaný bóliminiń jumysshysyn qutqarý kezinde bolǵan. Oǵan kómekke barǵan taǵy eki jumysshy men kelisimshart boıynsha eki áskerı qyzmetshi de jaǵdaıdyń nasharlaýyna baılanysty joǵary jaqqa kóterilip shyǵa almaǵan. Saldarynan úsh adam sol jerde qaza tapty», — dep jazdy vedomstvo.
Taǵy bir jumysshy men áskerı qyzetshi Arys qalasynyń aýrýhanasyna jetkizildi. Qazirgi tańda olardyń jaǵdaıy aýyr.
Qorǵanys mınıstrliginiń basshylyǵy men Qarýly kúshterdiń jeke quramy qaza tapqandardyń otbasylaryna barlyq qajetti kómek kórsetedi, deıdi mınıstrlik.
Qazirgi ýaqytta Qylmystyq kodekstiń 156-baby 4-bóligi «Eńbekti qorǵaý erejelerin buzý» boıynsha sotqa deıingi tergeý júrip jatyr.
