اسكەري پاراد باستالدى

فوتو: malim.kz

“قازاق ەلى» الاڭىندا ۇلى جەڭىستىڭ 80 جىلدىعىنا ارنالعان اسكەري پاراد باستالدى, دەپ حابارلايدى qandastar.kz سايتى. 

سالتاناتتى شارانىڭ باستى كورەرمەندەرى – ۇلى وتان سوعىسىنىڭ ارداگەرلەرى, تىل ەڭبەككەرلەرى, سونداي-اق قازاقستان قارۋلى كۇشتەرىنىڭ, وزگە دە اسكەرلەر مەن اسكەري قۇرىلىمداردىڭ ارداگەرلەرى مەن قازىرگى اسكەري قىزمەتشىلەر.

اسكەري شەرۋگە كىمدەر قاتىسادى?
• قارۋلى كۇشتەردىڭ ۇزدىك بولىمشەلەرى,
• قۇرمەت قاراۋىلى روتالارى,
• قۇقىق قورعاۋ ورگاندارى مەن وزگە دە اسكەري قۇرىلىمداردىڭ وكىلدەرى,
• بارلىعى – 24 پارادتىق ەسەپتوپ,
• 200-دەن استام اسكەري تەحنيكا,
• 60-تان استام اۋە كەمەسى (مايداندىق, ارميالىق جانە اسكەري-كولىكتىك اۆياتسيا).

پارادتىڭ تىكەلەي كورسەتىلىمى ساعات 11:00-دە باستالادى جانە ەلوردانىڭ بىرنەشە نەگىزگى الاڭىندا ۇيىمداستىرىلادى:
• قالالىق الاڭ (ەلوردا اكىمدىگى جانىندا) – تىكەلەي ەفير جانە كونتسەرتتىك باعدارلاما;
• «استانا ارەنا» ستاديونى – تىكەلەي ەفير جانە مەرەكەلىك كونتسەرت;
• «Astana Music Hall» تۇراعى (ب.مومىش ۇلى داڭعىلى, 1) – شەرۋدىڭ تىكەلەي كورسەتىلىمى.

سونىمەن قاتار, اسكەري پاراد رەسپۋبليكالىق تەلەارنالاردان دا تىكەلەي ەفيردە كورسەتىلەدى.