«Áskerıler bir-birimen jarysqan»: Aqtóbe oblysynda áskerı qyzmetker 17 jastaǵy qyzdy qaǵyp óltirdi

Foto: vıdeodan skrın

Samara – Tashkent avtojolynda qatty jyldamdyqpen kele jatqan áskerı qyzmetker jaıaý júrginshiler jolynan ótip bara jatqan 17 jastaǵy qyzdy qaǵyp ketti. Aýyr jaraqat saldarynan kámelet jasqa tolmaǵan qyz aýrýhanada kóz jumdy. Bul týraly Stan.kz aqparat agenttigi ZTB News portalyna silteme jasap habarlaıdy.

Jol apaty 1 tamyz kúni bolǵan. Marqumnyń ápkesi áleýmettik jelidegi paraqshasynda kólik júrgizýshisiniń jazalanýyn talap etip, jazba jarııalady. Opat bolǵan qyzdyń ápkesiniń aıtýynsha, qyz jaıaý júrginshiler jolynan ótpek bolǵan. Ony baıqaǵan traktor toqtap, ereje boıynsha oǵan jol bergen. Alaıda qyz traktordyń artynda kele jatqan kólikti kórmegen. Júrgizýshi traktordyń toqtap turǵanyna mán bermesten qatty jyldamdyqpen jaıaý júrginshini qaǵyp ótken kórinedi.

“Aýrýhanaǵa jetkende ol es-tússiz edi. Ol ózdigimen dem ala almaǵandyqtan, ony birden jansaqtaý bólimine jatqyzdy. Biraq dárigerler onyń alǵan jaraqattary aýyr ekenin, jaǵdaıy tym múshkil ekenin aıtty. Dárigerler 3 saǵat boıy Aqbotany aman alyp qalýǵa tyrysty. Biz odan aıyrylyp qalamyz dep oılamadyq”, – dep jazdy jeli qoldanýshysy.

Marqumnyń ápkesiniń aıtýynsha, tipti aýrýhanada bolǵan kezde de birde bir polıııa qyzmetkeri baryp hattama toltyrý týraly aıtpaǵan. Eshkim olardan jaýap almaǵan.

Alǵashynda ol sińlisin qaǵyp ketken áskerı qyzmetkerdiń jazalanbaǵanyn aıtyp, shaǵymdanǵan edi. Marqumnyń jaqyndary jantúrshigerlik jol apaty týraly áleýmettik jelige salyp, máseleni kótergen.

“3 tamyzǵa deıin bizge eshkim habarlaspady.Qylmystyq is qozǵalǵan ne qozǵalmaǵanyn ózimiz baryp bildik. Bizdi MAI-ǵa jiberdi, olarǵa qaıta polıııaǵa barýymyz keregin aıtty. Al polıııadaǵylar bul ispen áskerı polıııa aınalastynyn jetkizdi. Ne isterimizdi bilmedik. О́zimiz advokat jaldap, kiriskende qylmystyq istiń qozǵalmaǵanyn bildik. Zań bulaı baıaý qımyldaıtyn bolsa, halyq kómektesedi dep oıladyq”, – delingen jazbada.

Aımaqtyq qoǵamdyq paraqshalarda qoldanýshylar arasynda shý shyqqan soń ǵana polıeıler bul isti tolyq qolǵa alǵan. Sebebi kúdikti tek 6 tamyzda, ıaǵnı qaıǵyly oqıǵadan keıin bir aptadan soń ustaldy.

“Tergeý soty kúdikti Temir S.T. sankııamen qamaýǵa aldy”, – dedi Aqtóbe garnızony áskerı polıııa basqarmasy bastyǵynyń mindetin atqarýshy Talǵat Ahmetov.

Sondaı-aq marqum qyzdyń ápkesi qylmystyq is júrip jatqanymen, onyń kúmándi tustary kóp ekenin aıtady.

“Anama nege ekeni belgisi sýdıa habarlasty. Biraq zań boıynsha bulaı bolmaý kerek. Sonymen qatar saraptama oqıǵa ornynan bastap qate júrgizilgen. Sodan keıin olar basqa aýrýhanany jáne qyzdyń denesinde tek bir jaraqat bolǵanyn kórsetken. Onda ótirik kóp, olar oqıǵanyń ornyn jáne kóliktiń markasy men nómirin de kórsetpegen. Kúdikti óz kinásin moıyndaǵan, biraq onyń aıtqany shyndyqqa janaspaıdy. Ol sińlimniń “joq jerden atyp shyqty” dep jazǵan. Osylaısha jazasyn jeńildetýge tyrysyp jatyr. Al biz ádildikke qol jetkizgimiz keledi, biz qarapaıym halyqpyz, zań boıynsha bizdiki durys”, – deıdi qyzdyń ápkesi.

Ol osylaısha is sottalýshynyń paıdasyna sheshilýi múmkin dep qorqady.

Araǵa ýaqyt salyp qaıǵyly oqıǵany óz kózimen kórgen kýáger de tabyldy. Onyń aıtýynsha, kúdikke iligen áskerı qyzmetker áriptesterimen jarysqan.

“Men jolda týystarymmen kele jatqanda aldymyzdan eki kólik ótti. Biri aq, ekinshisi qara. Olar jarysyp bara jatqandaı boldy. Aq kólik alǵa qara ozyp, jaıaý júrginshiler jolyna ótip ketti. Saldarynan ol qyzdy qaǵyp ketti, onyń sómkesi qolynan ushyp ketkenin kórdim. Keıin áleýmettik jelilerde ol qyzdyń hıdjab kıgeni týraly jazbany kórdim. Biraq biz ótip bara jatqanda qyzdyń basyndaǵy oramaly túsip ketken eken. Sondyqtan men ony birden tanymaydm. Tek sol sómkeni kórgende ǵana esime tústi. Qatty soqqydan keıin qyz ushyp tústi”, – deıdi kýáger.

Sondaı-aq ol jol apatynan keıin eki kólikten 8-ge jýyq áskerı kıimdegi er adam shyqqan. Olar qyzdyń tamyryn ustap kórgenin aıtqan.