Áskerılerge tıesili tikushaq qulady

Pákistannyń Gılgıt-Baltıstan aımaǵynda áskerılerge tıesili tikushaq apatqa ushyrap, ekıpaj músheleri qaza tapty , dep habarlaıdy Qandastar.kz

Aldyn ala málimet boıynsha, áýe kóliginde eki pılot pen úsh tehnık bolǵan. Olardyń barlyǵy mert bolǵany aıtyldy.

Jergilikti bılik ókilderiniń habarlaýynsha, tikushaq synaq qonýyn oryndap jatqan kezde tehnıkalyq aqaýǵa baılanysty apatqa ushyraǵan.

Pákistan úkimetiniń resmı ókili Faızýlla Faraktyń aıtýynsha, tikushaq apatty qonýǵa talpynǵanymen, keıin qulap ketken.

Apat sebebi men qaza tapqandar týraly tolyq aqparat anyqtalyp jatyr.

Gılgıt-Baltıstannyń bas mınıstri qutqarý qyzmetterine oqıǵa ornyna jedel jetip, izdestirý-qutqarý jumystaryn bastaýǵa tapsyrma berdi.