Álem jańalyqtary
«Aslanbek+Gúlaıym»: Qazaqstandyq týrıst Batýmıdegi sırek kezdesetin bambýkti búldirdi
Foto: instagram.com/grafinya_v_georgia
Atyraý turǵyny Grýzııa astanasyndaǵy áıgili botanıkalyq baqta serýendep júrip, sırek kezdesetin bambýkti búldirip aldy. Bul týraly qandastar.kz Stan.kz aqparat agenttigine silteme jasap habarlaıdy.
Qazaqstanyq týrıst bambýktiń dińine esiminiń bas áripterin qashap jazǵan. Otandasymyzdyń bul áreketi aınalasyndaǵy adamdar men Botanıkalyq baqtyń ákimshiliginiń narazylyǵyn týdyrdy.
“Men ony toqtatýǵa tyrystym, biraq ol esh qysylmastan áreketin ary qaraı jalǵastyra berdi”, – dep jazdy jeli qoldanýshylarynyń biri.
Botanıkalyq baqtyń ákimshiligi qazaqstandyq týrıstiń áreketinen keıin kóńili qalǵanyn jetkizdi. Olar Batýmıdegi baqtyń týrıster arasynda tanymal oryn ǵana emes, onda sırek kezdesetin ósimdikter saqtalatyn alań ekenin atap ótti.
Otandasymyz bambýk dińine “Aslanbek+Gúlaıym” dep jazǵan.
100 gektardan astam aýmaqty alyp jatqan Batýmıdegi botanıkalyq baq – kóptegen erekshe ósimdikter túrleri saqtalǵan álemdegi eń úlken saıabaqtardyń biri.
