مادەنيەت
«اسپاننان دوللار شاشتى». اباي بەگەيدىڭ 16 جاستاعى قىزىنىڭ بەتاشارى دۇركىرەپ ءوتتى
فوتو: اشىق دەرەككوز
تانىمال ءانشى اباي بەگەي ەكىنشى قىزىن الىپ قاشىپ كەتكەندەرگە باتاسىن بەرىپ, قۇدا اتاندى. بۇگىندە ەكى اۋلەتتە توي بولىپ جاتىر, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
ونەر يەسىنىڭ قىزى ءوزىنىڭ تۋعان جەرى اقتاۋ وڭىرىنە كەلىن بولىپ ءتۇستى. جاقسى جاڭالىقتى جەلىگە ءانشىنىڭ جۇبايى جاريالادى. وسىدان كەيىن جۋرناليست گۇلميرا ابىقاي مۇنىڭ زاڭسىز ەكەنىن جازعان ەدى.
«ماڭعىستاۋ وبلىسىنىڭ پوليتسيا دەپارتامەنتى, ەكى بىردەي زاڭ بۇزۋعا قالاي جول بەردىڭىزدەر? قىز الىپ قاشۋ جانە كامەلەت جاسقا تولماعان قىز??? ماڭعىستاۋ وبلىسىنىڭ ءبىلىم باسقارماسى, ءبىلىم قايدا? ساباق قايدا? ەكى جاقتىڭ اتا-اناسىن زاڭدى جاۋاپقا تارتىپ, ايىپپۇل سالۋ قاجەت. ابايدى سىيلاۋشى ەدىم, ءوز قىزىنا ءوزى جاۋ بولىپ شىققانى جامان بولعان ەكەن!», — دەپ جازدى جۋرناليست.
ال كەشە اباي بەگەيدىڭ اۋلەتىندە توي بولدى. جەلىگە جۇكتەلگەن سۋرەتتەر مەن ۆيدەولاردان سىرعا سالۋ ءراسىمى مەن قىز ۇزاتۋ ءبىر كۇندە ءوتىپ جاتقانعا ۇقسايدى.
«جات ەلگە كەلىن كەپ, كوزدەرى مولدىرەپ اناسىن ساعىنىپ تۇر», — دەپ سىمبات ابايقىزى جازبا قالدىردى.
«اكەسى قايدا? اكەسىنىڭ باتاسىن الماي ايەلدەردىڭ ۇزاتىپ جاتىرعانى دۇرىس بولمادى», «اعاسى جىلاعاندا ءبىز دە جىلادىق», «ءالى سەنە الار ەمەسپىن, شىنىمەن ۇزاتىلىپ جاتىر ما?», — دەپ وقىرماندارى ءتۇرلى پىكىر قالدىردى.
سودان كەيىن بارعان جەرى بەتاشار تويدى دۇركىرەتىپ وتكىزدى. قۇدالار بەتاشاردا دوللاردان اقشا شاشقان.
«وڭاي كەلگەن اقشا وسىلاي شاشىلادى. ماڭداي تەرگە مالىنىپ تاپساڭ وزىڭە قيمايسىڭ», «ەنەسى نەگە كەلىپ تۇرعان بالانىڭ كەۋدەسىن قاقتى», «استامشىلدىق پەن ىسىراپشىلدىق جاقسىلىققا اپارمايدى», «بارلىعى جاساندىلىق كورىنىپ قالدى», دەپ جازدى وقىرماندارى.
ەستەرىڭىزگە سالا كەتەيىك, اباي بەگەي اقتاۋعا بەلگىلى بلوگەر ءارى ءتىس دارىگەرلەرىمەن قۇدا بولىپ جاتىر.
