«Aspannan dollar shashty». Abaı Begeıdiń 16 jastaǵy qyzynyń betashary dúrkirep ótti

Foto: ashyq derekkóz

Tanymal ánshi Abaı Begeı ekinshi qyzyn alyp qashyp ketkenderge batasyn berip, quda atandy. Búginde eki áýlette toı bolyp jatyr, dep habarlaıdy qandastar.kz Skifnews.kz aqparat portalyna silteme jasap.

О́ner ıesiniń qyzy óziniń týǵan jeri Aqtaý óńirine kelin bolyp tústi. Jaqsy jańalyqty jelige ánshiniń jubaıy jarııalady. Osydan keıin jýrnalıst Gúlmıra Ábiqaı munyń zańsyz ekenin jazǵan edi.

«Mańǵystaý Oblysynyń Polıııa Departamenti, eki birdeı zań buzýǵa qalaı jol berdińizder? Qyz alyp qashý jáne kámelet jasqa tolmaǵan qyz??? Mańǵystaý oblysynyń bilim basqarmasy, bilim qaıda? Sabaq qaıda? Eki jaqtyń Ata-anasyn zańdy jaýapqa tartyp, aıyppul salý qajet. Abaıdy syılaýshy edim, óz qyzyna ózi jaý bolyp shyqqany jaman bolǵan eken!», — dep jazdy jýrnalıst.

Al keshe Abaı Begeıdiń áýletinde toı boldy. Jelige júktelgen sýretter men vıdeolardan syrǵa salý rásimi men qyz uzatý bir kúnde ótip jatqanǵa uqsaıdy.

«Jat elge kelin kep, kózderi móldirep anasyn saǵynyp tur», — dep Symbat Abaıqyzy jazba qaldyrdy.

«Ákesi qaıda? Ákesiniń batasyn almaı áıelderdiń uzatyp jatyrǵany durys bolmady», «Aǵasy jylaǵanda biz de jyladyq», «Áli sene alar emespin, shynymen uzatylyp jatyr ma?», — dep oqyrmandary túrli pikir qaldyrdy. 

Sodan keıin barǵan jeri betashar toıdy dúrkiretip ótkizdi. Qudalar betasharda dollardan aqsha shashqan.

«Ońaı kelgen aqsha osylaı shashylady. Mańdaı terge malynyp tapsań ózińe qımaısyń», «Enesi nege kelip turǵan balanyń keýdesin qaqty», «Astamshyldyq pen ysyrapshyldyq jaqsylyqqa aparmaıdy», «Barlyǵy jasandylyq kórinip qaldy», dep jazdy oqyrmandary. 

Esterińizge sala keteıik, Abaı Begeı Aqtaýǵa belgili bloger ári tis dárigerlerimen quda bolyp jatyr.