استانا اكىمدىگىنە ۆەدومستۆولىق باعىنىستى جشس باسشىسى سوتتالدى

فوتو:mln.kz

استانا قالاسى اكىمدىگىنە ۆەدومستۆولىق باعىنىستى «ەلوردا قۇرىلىس كومپانياسى» جشس ءبولىمىنىڭ باسشىسى سوتتالدى, دەپ حابارلايدى  qandastar.kz  Dalanews.kz-كە سىلتەمە جاساپ.

مەملەكەت باسشىسىنىڭ تاپسىرماسىن ورىنداۋ ءۇشىن سىبايلاس جەمقورلىققا قارسى ءىس-قيمىل اگەنتتىگى قوعامدا زاڭدىلىق پەن ءتارتىپ قاعيداتىن قامتاماسىز ەتۋ, سونداي-اق سىبايلاس جەمقورلىق فاكتىلەرىنىڭ جولىن كەسۋ جونىندەگى جۇمىستى جالعاستىرۋدا.

قابىلدانعان شارالار مەن تەتىكتەر كەشەنى قويىلعان مىندەتتەردى ءتيىمدى ىسكە اسىرۋعا جانە زاڭدىلىقتىڭ بۇزىلۋىنا ۋاقتىلى دەن قويۋعا مۇمكىندىك بەرەدى.

ماسەلەن, استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى القابيلەردىڭ قاتىسۋىمەن «ەلوردا قۇرىلىس كومپانياسى» جشس ءبولىم باسشىسى ب.ق. بازاربەككە قاتىستى ۇكىم شىعاردى.

ول استانا قالاسىندا كوپپاتەرلى تۇرعىن ءۇي كەشەنىن سالۋ شارتى بويىنشا اۆانس تولەگەنى جانە سمەتانى ۇلعايتقانى ءۇشىن «ەلوردا قۇرىلىس كومپانياسى» جشس باسشىلىعى ءۇشىن مەردىگەرلىك ۇيىم ديرەكتورىنىڭ 103 ملن تەڭگە سوماسىندا الاياقتىق جاساعانى جانە پارا بەرۋگە يتەرمەلەگەنى ءۇشىن كىنالى دەپ تانىلدى.

بازاربەك 10 جىلعا باس بوستاندىعىنان ايىرىلدى

ۇكىم زاڭدى كۇشىنە ەنگەن جوق.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ارقايسىسى كىناسىز دەپ ەسەپتەلەدى.