Astana – Aqtaý baǵytyndaǵy ushaqtan órt shyqty

Foto: Rıa novostı

Astana – Aqtaý baǵyty boıynsha ushqan FlyAryatan áýekompanııasynyń ushaǵy jolaýshynyń rıýkzagynyń órtenýine baılanysty ushý portyna qaıta oralǵan, dep jazdy qandastar.kz

Kompanııanyń baspasóz qyzmetiniń málimetinshe oqıǵa 23 aqpanda bolǵan.

«Astana – Aqtaý baǵyty boıynsha FS 7375 reısin oryndaý kezinde ushaqtyń joǵarǵy bagaj bóliginde jolaýshynyń rıýkzagy órtendi. О́rtti avıakompanııanyń bort serikteri tez sóndirdi. Bortta 182 jolaýshy bolǵan. Ushaq ushý pýnktine oraldy. Qoný shtattyq rejımde oryndaldy. Jaǵdaı týraly qosymsha aqparat barlyq jaǵdaılar anyqtalǵannan keıin beriledi», – delingen habarlamada.

Keıin bul reıs saǵat 17.10-ǵa aýystyryldy.

“Barlyq jolaýshylar tegin qaıta brondaýǵa nemese aqshany qaıtarýǵa quqyly”, – dep málimdedi kompanııa.