استانا اۋەجايىندا جولاۋشى ۇشاقتان سەكىرىپ كەتپەك بولدى

فوتو: اك جايىك

الەۋمەتتىك جەلىدە تاراعان قىسقا ۆيدەودان ەر ادامدى ۇشاق قىزمەتكەرى مەن جولاۋشىلاردىڭ قورشاپ العانىن كورۋگە بولادى, دەپ حابارلايدى qandastar.kz

ۇشاقتاعى جولاۋشىلاردىڭ سوزىنشە, ەر ادام ءوزىن ناشار سەزىنىپ تۇرعانىن ايتىپ, اۋە كەمەسىنىڭ الدىڭعى جاعىنا بارعان. سودان سوڭ ول اۋە كەمەسىنىڭ ۇشۋعا دايىندالىپ جاتقانىن بىلە تۇرا ەسىكتى اشىپ جىبەرۋگە وقتالعان. وعان جولاۋشىلار مەن ۇشاق قىزمەتكەرى جول بەرمەگەن كورىنەدى.

الەۋمەتتىك جەلىدە اتالعان وقيعاعا قاتىستى وقىرماندار «فوبياسى بار شىعار. تەكتەن-تەككە ولاي جاسامايدى عوي», «ۇشاقتىڭ ەسىگىن اشىپ جىبەرسە, ميلليونداعان ايىپپۇل تولەيتىن ەدى عوي», «پانيكالىق شابۋىل كەزىندە ادام بىردەن جاقسارىپ كەتە المايدى» دەگەن سەكىلدى ءتۇرلى پىكىر جازىپ جاتىر.

اۋە كومپانياسى ازىرگە بۇل وقيعاعا قاتىستى رەسمي مالىمەت تاراتپادى.