Astana áýejaıynda jolaýshy ushaqtan sekirip ketpek boldy

Foto: Ak jaıyk

Áleýmettik jelide taraǵan qysqa vıdeodan er adamdy ushaq qyzmetkeri men jolaýshylardyń qorshap alǵanyn kórýge bolady, dep habarlaıdy qandastar.kz

Ushaqtaǵy jolaýshylardyń sózinshe, er adam ózin nashar sezinip turǵanyn aıtyp, áýe kemesiniń aldyńǵy jaǵyna barǵan. Sodan soń ol áýe kemesiniń ushýǵa daıyndalyp jatqanyn bile tura esikti ashyp jiberýge oqtalǵan. Oǵan jolaýshylar men ushaq qyzmetkeri jol bermegen kórinedi.

Áleýmettik jelide atalǵan oqıǵaǵa qatysty oqyrmandar «Fobııasy bar shyǵar. Tekten-tekke olaı jasamaıdy ǵoı», «Ushaqtyń esigin ashyp jiberse, mıllıondaǵan aıyppul tóleıtin edi ǵoı», «Panıkalyq shabýyl kezinde adam birden jaqsaryp kete almaıdy» degen sekildi túrli pikir jazyp jatyr.

Áýe kompanııasy ázirge bul oqıǵaǵa qatysty resmı málimet taratpady.