جاڭالىقتار
استانا اۋەجايىندا جولاۋشىدان مايمىل شەشەگى انىقتالعانى راس پا: مينيسترلىك مالىمدەمە جاسادى
فوتو: NUR.KZ/ۆلاديمير ترەتياكوۆ
دەنساۋلىق ساقتاۋ مينيسترلىگى استانا اۋەجايىندا جولاۋشىدان مايمىل شەشەگى انىقتالعانى تۋرالى اقپاراتتى جوققا شىعاردى. بۇل تۋرالى KAZ.NUR.KZ ءتىلشىسى مينيسترلىكتىڭ ءباسپاسوز قىزمەتىنە سىلتەمە جاساپ حابارلايدى.
مينيسترلىك مالىمەتىنە سۇيەنسەك, جەلىدەگى ماتەريالداردا مايمىل شەشەگىنىڭ ەلگە ەنۋىنە قارسى دايىندىق بويىنشا وتكىزىلگەن ۆەدومستۆوارالىق وقۋ-جاتتىعۋ بارىسىندا تۇسىرىلگەن بەينەماتەريال قولدانىلعان. وسى تۇستا دسم سانيتاريالىق-ەپيدەميولوگيالىق باقىلاۋ كوميتەتى قازاقستاندا مايمىل شەشەگى اۋرۋىنىڭ بىردە-ءبىر جاعدايى تىركەلمەگەنىن, سونداي-اق سىرتتان اكەلىنگەن جۇقپالى جاعدايلاردىڭ تىركەلمەگەنىن حابارلادى. سونداي-اق, مايمىل شەشەگىنىڭ ەلىمىزگە ەنۋىنىڭ الدىن الۋ ماقساتىندا وتكىزۋ پۋنكتتەرىندە سانيتاريالىق-كارانتيندىك باقىلاۋ كۇشەيتىلدى. دسم حابارلاۋىنشا, جالعان اقپارات تاراتقان ادامداردىڭ ارەكەتتەرىنە قۇقىقتىق باعا بەرۋ ءۇشىن ماتەريالدار قۇقىق قورعاۋ ورگاندارىنا جولداندى. ۆەدومستۆو الەۋمەتتىك جەلى قولدانۋشىلارىن جانە بارلىق ازاماتتاردى تەك رەسمي دەرەككوزدەردەن الىنعان سەنىمدى اقپاراتقا عانا سەنۋگە شاقىردى.
