جاڭالىقتار
استانا حالىقارالىق اۋەجايىن سۋ باستى
استانا قالاسىنداعى حالىقارالىق اۋەجايدىڭ توبەسىنەن سۋ كەتىپ جاتىر. بۇل تۋرالى Stan.kz اقپارات اگەنتتىگى حابارلايدى.
وقيعا كۋاگەرلەرى الەۋمەتتىك جەلىدە ۆيدەولارمەن ءبولىسىپ جاتىر. بايقاعانىمىزداي اۋەجايدىڭ سۋ اعار جۇيەسىنىڭ جىرىعىنان شىققان سۋ ستراتەگيالىق نىسان ىشىندەگى LED ەكران مەن عيماراتتىڭ باسقا شەتىندەگى جۇك بولمەسىنىڭ دە توبەسىنەن قۇيىلىپ جاتىر. ۆيدەودا قوراپ تولى جۇكتەر مالمانداي سۋ بولعانى كورىنىپ تۇر.
اۋەجايدىڭ ءباسپاسوز قىزمەتى بۇل جاعدايعا تۇسىنىكتەمە بەردى.
«جوندەۋ جۇمىستارىن جۇرگىزۋ بارىسىندا مەردىگەر قۇرىلىس كومپانياسى استانا اۋەجايىنىڭ حالىقارالىق تەرمينالىندا سۋ قۇبىرىنا زاقىم كەلتىردى. قازىرگى ۋاقىتتا زاقىمدانۋدى جويۋ بويىنشا قاجەتتى جۇمىستار جۇرگىزىلۋدە. قولايسىزدىقتار ءۇشىن كەشىرىم سۇرايمىز, زاقىمدانۋدى جويۋ ءۇشىن قولدان كەلگەننىڭ ءبارىن جاسايمىز», – دەدى اۋەجايدىڭ ءباسپاسوز قىزمەتى.
