Astana qalasynda memlekettik aıyptaýshylardyń ekinshi forýmy bastaldy

Foto: Bas prokýratýra

Bas prokýratýrada memlekettik aıyptaýshylardyń ekinshi respýblıkalyq forýmy ótti, dep habarlaıdy qandastar.kz

Prezıdentiń kómekshisi E.N.Jıenbaev, Konstıtýııalyq Sottyń Tóraǵasy E.Á. Azımova jáne Adam quqyqtary jónindegi ýákil A.E.Lastaev quttyqtaý sóz sóıledi.

Jumysqa Joǵarǵy jáne Konstıtýııalyq sottardyń, Respýblıkalyq advokattar alqasynyń ókilderi, Parlament depýtattary, kórnekti zańger ǵalymdar men óńirlik prokýratýralardyń qyzmetkerleri de qatysty.

Forýmdy asha otyryp, Bas prokýror Berik Asylov Memleket basshysy 2022 jylǵy naýryzda Qazaqstan halqyna joldaýynda Ádiletti Kazaqstandy qalyptastyrýda negizgi qadamdardyń biri bolyp tabylatyn sot tóreligin júzege asyrýǵa azamattyq qatysýdy keńeıtýdi tapsyrǵanyn atap ótti.

Búgingi tańda Qylmystyq kodekstiń 40-tan asa baptary alqabıler sotynda qaralatyn aýyr jáne asa aýyr qylmystar quramdaryn qamtıdy. Jalpy, elimizde alqabıler soty ınstıtýty 2007 jyldan beri jumys isteıdi. Oǵan azamattardyń senimi jyl saıyn artyp keledi, – dep atap ótti Qadaǵalaý vedomstvosynyń basshysy.

Osy oraıda prokýrorlar men advokattardyń biliktiligin arttyrý máselelerine erekshe nazar aýdarý qajet. Olardyń saýatty jáne belsendi qatysýy taraptardyń jaryspalylyǵyn arttyrýǵa jáne zańdylyqty nyǵaıtýǵa yqpal etýi kerek.

Sonymen qatar Bas prokýror prokýrorlardy kásibı daıarlaýdyń erekshe mańyzdylyǵyn atap ótip, memlekettik aıyptaýshylardy aldyn ala daıyndaý kerektigin basa aıtty.

Sondyqtan ol salalyq Qyzmet pen Quqyq qorǵaý organdary akademııasyna óz jumysyn tyńdaýshylarǵa sheshendik óner men kópshilik aldynda sóıleý daǵdylaryn úıretýge baǵyttaýdy tapsyrdy.

Forýmda sondaı-aq alqabıler sotyn damytý perspektıvalary, alqabılerdiń jeke derekteriniń qaýipsizdigi men qorǵalýyn qamtamasyz etý, olardyń qylmystyq proestegi rólin nyǵaıtý jáne taǵy basqa máseleler talqylandy.

Sýdıalar, advokattar, praktık-zańgerler men prokýrorlar alqabıler ınstıtýtyn damytý, qylmystyq proestegi taraptardyń jaryspalylyǵyn arttyrý máseleleri jáne basqa da ózekti máseleler boıynsha baıandamalar jasady.

Forýmnyń birinshi kúniniń qorytyndysy boıynsha qatysýshylar alqabıler sotyn damytýdyń kóterilgen máselelerin sheshý jáne sotta memlekettik aıyptaý sapasyn arttyrý boıynsha usynymdar ázirledi.