جاڭالىقتار
«استانا» كلۋبى قارجىلىق قيىندىققا قاتىستى مالىمدەمە جاسادى
بۇقارالىق اقپارات قۇرالدارىندا استانا فۋتبول كلۋبىنىڭ بەس ايلىق ەڭبەكاقى قارىزى بار دەگەن جالعان اقپارات تارالۋدا, دەپ حابارلايدى qandastar.kz
استانا فۋتبول كلۋبىنىڭ ءباسپاسوز قىزمەتى اتالعان اقپارات شىندىققا جاناسپايتىنىن جانە باس باپكەردىڭ اتىنان جاريالانعان ماقالا اۆتورىنىڭ ويدان شىعارعان مالىمەتى ەكەنىن ءمالىم ەتتى.
«ءيا, قازىرگى ۋاقىتتا كلۋبتا بەلگىلى ءبىر قارجىلىق قيىندىقتار بار, الايدا بۇل ماسەلەلەر جاقىن ارادا شەشىمىن تابادى دەپ كۇتىلۋدە — بيۋدجەت بەكىتىلىپ, قاجەتتى نورماتيۆتىك قۇجاتتار ماقۇلدانعاننان كەيىن. SportQory قورى, ءوز تاراپىنان, بيۋدجەت بەكىتىلگەنگە دەيىن كلۋبقا جان-جاقتى قولداۋ كورسەتۋدە, سونىڭ ىشىندە ءوز قاراجاتى ەسەبىنەن قارجىلىق كومەك تە بەرىلۋدە. وسى جاعدايدى ءتۇسىندىرۋ ماقساتىندا قور باسشىلىعى مەن كوماندا اراسىندا كەزدەسۋ وتكىزۋ جوسپارلانعان. اتالعان كەزدەسۋ جاقىن كۇندەرى وتەدى دەپ كۇتىلۋدە», – دەلىنگەن حابارلامادا.
