Astana LRT-nyń burynǵy basshysy Talǵat Ardannyń Túrkııadan qashan ákelinetini belgisi

Astana LRT kompanııasynyń burynǵy basshysy Talǵat Ardan ustalǵanyna bir aı ótse de, áli kúnge deıin Túrkııada qalyp otyr. Bas prokýrordyń orynbasary Áset Shyndalıev onyń ekstradıııasyna qatysty suraqqa jaýap berdi, dep habarlaıdy Qandastar.kz aqparat portaly.

Májilis kýlýarynda Shyndalıevke Talǵat Ardandy nege uzaq ýaqyt ustamaǵany týraly suraq qoıyldy. Onyń aıtýynsha, ustalý jyldamdyǵy izdestirýmen aınalysatyn jedel qyzmetterge baılanysty.

«Bizdiń qazaqstandyq qyzmetter shetelge baryp, izdeý júrgize almaıdy. Sheteldik arnaıy qyzmetter Interpol arqyly jumys isteıdi. Sondyqtan Ardandy Túrkııa polıııasy ustady», – dedi bas prokýrordyń orynbasary.

Ol sondaı-aq sheteldik arnaıy qyzmettermen ózara is-qımyl mehanızmin túsindirdi.

«Biz adamdy izdeýge jarııalaımyz, bul aqparat Interpoldyń bazasyna túsedi jáne álem boıynsha izdeý bastalady. Adam tabylǵan kezde, ony ustaý sharalary qabyldanady. О́zderińiz biletindeı, Talǵat Ardan Túrkııada ustaldy. Qazirgi tańda ol Túrkııada qamaýda otyr. Ol Astanaǵa áli jetkizilgen joq. Biz Túrkııa jaǵyna barlyq qajetti qujattardy jiberdik. Qazir olar materıaldardy qarap, sheshim qabyldaıdy. Ardannyń Qazaqstanǵa qashan ekstradıııalanatyny ázirge belgisiz. Sebebi ekstradıııa máselesi Túrkııa zańnamasymen retteledi, biz túrik tarapynan bul proesti jedeldetýdi talap ete almaımyz. Bul – olardyń ishki proesi, ol óz zańdaryna sáıkes júredi», – dep qosty Shyndalıev.