جاڭالىقتار
استانا ماڭىندا جەكەمەنشىك ۇشاق قۇلاپ, ەكى ادام قازا تاپتى
استاناعا جاقىن جولامان اۋەايلاعى ماڭىندا جەڭىل موتورلى ۇشاق اپاتقا ۇشىراپ, ەكى ادام مەرت بولدى, دەپ جازدى qandastar.kz
بۇل تۋرالى كولىك مينيسترلىگى ءمالىم ەتتى.
—بۇگىن شامامەن ساعات 11.30-دا جولامان اۋەايلاعى ماڭىندا (استانا قالاسى) وقۋ-جاتتىعۋ ۇشۋىن ورىنداۋ بارىسىندا TL-2000 جەڭىل موتورلى ۇشاعى اپاتقا ۇشىرادى. بۇل ۇشاق جەكە تۇلعاعا تيەسىلى. الدىن-الا مالىمەتكە سايكەس بورتتا ەكى ەكيپاج مۇشەسى بولدى. ەكيپاج مۇشەلەرى قازا تاپتى, — دەلىنگەن حابارلامادا.
Turkistan.kz جازعانداي, وقيعانى تەرگەپ-تەكسەرۋ ءۇشىن قولدانىستاعى ەرەجەگە سايكەس اۆياتسيالىق وقيعالار مەن ينتسيدەنتتەر جونىندەگى ارنايى كوميسسيا قۇرىلادى.
كولىك مينيسترلىگىنە قاراستى كولىكتەگى وقيعالار مەن ينتسيدەنتتەردى تەرگەۋ دەپارتامەنتى قىزمەتكەرلەرى اۆياتسيالىق وقيعاعا ورنىنا بارادى.
