جاڭالىقتار
استانا پوليتسياسى قۇرىلىس نىساندارىن, ءدامحانا مەن ساۋدا ورتالىقتارىن تەكسەرەدى
فوتو: Orda.kz
استانا پوليتسياسى زاڭسىز ميگرانتتاردى قۇرىلىس الاڭدارى, ءدامحانالار مەن ساۋدا ورتالىقتارى اۋماقتارىنان ىزدەيتىن بولدى, دەپ حابارلايدى Orda.kz.
ەلوردا اكىمدىگى 1-5 تامىز ارالىعىندا مەگاپوليستە «ميگرانت» جەدەل-پروفيلاكتيكالىق ءىس-شاراسى ءوتىپ جاتقانىن ەسكە سالادى. تەرگەۋ بارىسىندا كوشى-قون زاڭناماسىن بۇزعان 45 شەتەلدىك پەن جەتى قازاقستاندىق انىقتالدى.
«كوشى-قون زاڭناماسىن بۇزعانى ءۇشىن 8 شەتەلدىك ازامات ەلدەن شىعارىلدى, سونىمەن قاتار قۇرىلىس نىساندارىندا, مەيرامحانالار مەن ءدامحانالاردا, بازارلار مەن ساۋدا ورتالىقتارىندا تەكسەرۋ جۇرگىزىلەدى» دەپ حابارلادى استانا قالالىق ءىىد.
2024 جىلدىڭ باسىنان بەرى استانادا وسىنداي سەگىز شارا وتكىزىلدى. سەگىز مىڭنان استام شەتەلدىك پەن قازاقستان رەسپۋبليكاسىنىڭ ازاماتتارى جاۋاپكەرشىلىككە تارتىلدى. ونىڭ نەگىزگى سەبەپتەرى ەلدە بولۋ ۇزاقتىعىنا جانە رۇقسات بەرۋ قۇجاتتارىنا قاتىستى كوشى-قون زاڭناماسىن بۇزۋ.
وسى ورايدا استانادا تىركەۋسىز نەمەسە جەكە كۋالىكسىز ءومىر سۇرگەن 2930 قازاقستاندىق جازالاندى.
- 2024 جىلدىڭ 25 شىلدەسىندە ەڭبەك جانە حالىقتى الەۋمەتتىك قورعاۋ مينيسترلىگى قازاقستانعا ەڭبەك ميگرانتتارى ءجيى قاي ەلدەردەن كەلەتىنىن ايتتى. كەلگەن ادامدار سانى بويىنشا ءبىرىنشى ورىندا قىتاي تۇر. ول جاقتان بىزگە 4123 ادام كەلگەن.
