جاڭالىقتار
استانا – ششۋچينسك تاسجولىندا 40 كولىك سوقتىعىستى
فوتو: اشىق دەرەككوز
اقمولا وبلىسىندا 40 اۆتوكولىك سوقتىعىستى, – دەپ حابارلايدى Massaget.kz تىلشىسى.
بۇل اقپاراتتى ءوڭىردىڭ پوليتسيا دەپارتامەنتى راستادى.
«ساعات 13:30-دا اقمولا وبلىسىندا ءبىرجانسال اۋدانىنىڭ قوعام اۋىلى مەن قاراتال اۋىلى اراسىندا اۋا رايىنىڭ ناشارلاۋىنا بايلانىستى (بوران, كورۋ مۇمكىندىگىنىڭ شەكتەلۋى) بۇرىن 40-قا جۋىق كولىك سوقتىعىسقان. زارداپ شەككەندەر مەن قازا تاپقاندار تۋرالى ازىرگە اقپارات جوق. وقيعا ورنىندا پوليتسيا جۇمىس ىستەپ جاتىر», – دەپ حابارلادى دەپارتامەنت.
ۆيدەوسى وسىندا https://youtu.be/yNn9VRi-uZw
بۇعان دەيىن قاراعاندى تاسجولىندا 800 كولىك جولدا قالعانى حابارلانعان ەدى.
بۇگىن قاراعاندى وبلىسىندا اۋا رايىنىڭ كۇرت ناشارلاۋىنا بايلانىستى ەكى نەگىزگى باعىت: قاراعاندى – استانا جانە قاراعاندى – پاۆلودار جولدارى جابىلدى. كۇن سايىن 10 مىڭنان استام كولىك وتەتىن رەسپۋبليكالىق ماڭىزى بار الماتى – ەكاتەرينبۋرگ اۆتوجولىندا كۇردەلى جاعداي قالىپتاستى.
تەمىرتاۋ قالاسىنىڭ ماڭىنداعى تەرمينالدا جولداردىڭ جابىلۋىنا بايلانىستى شامامەن 800 اۆتوكولىك جينالىپ قالعان. قاراعاندى وبلىسىنىڭ پوليتسەيلەرى جول جاعدايىن قالىپقا كەلتىرۋ ءۇشىن بارلىق قاجەتتى شارالاردى قابىلداۋدا. جاقىن ارادا اۆتوكولونناعا اقمولا وبلىسىنىڭ شەكاراسىنا دەيىنگى باعىتتا قاۋىپسىزدىكتى قامتاماسىز ەتە وتىرىپ, ىلەسىپ ءجۇرۋ ۇيىمداستىرىلادى.
