Jańalyqtar
Astana soty Nursultan Nazarbaevty bar baılyǵynan aıyrýdan bas tartty
Foto: ǵalamtordan
Qazaqstan azamaty Qaıyrgeldi Smaǵulov eldiń burynǵy prezıdentin sotqa berip, onyń barlyq múlki men aktıvterin memleket paıdasyna tárkileýdi talap etti.
Almaty, NEGE. Onyń aıtýynsha, Nazarbaev prezıdent laýazymyn atqara otyryp, óziniń áreketi men áreketsizdigi arqyly «barlyq adamzatqa ólim qaýpin tóndirdi», sondyqtan ol 30 jyl ishinde satyp alǵan barlyq aktıvin qaıtarýy kerek.
Alaıda birinshi jáne ekinshi ınstanııa sottary «Qazaqstan Respýblıkasynyń Prezıdenti týraly» zańnyń 36-babyna súıene otyryp, onyń talabyn qanaǵattandyrýdan bas tartty, oǵan sáıkes Nazarbaev tek memleketke opasyzdyq jasaǵany úshin ǵana jaýapqa tartylýy múmkin. Ol prezıdenttik ókilettikterdi júzege asyrýǵa baılanysty áreketteri úshin jazalanbaıdy.
«Nazarbaev N.Á. eks-prezıdent retinde (qol suǵylmaıtyn) bolyp qalady jáne tek memleketke opasyzdyq jasaǵany úshin azamattyq-quqyqtyq jaýapkershilikke tartylýy múmkin, sondyqtan sot Qazaqstan Respýblıkasy Prezıdentiniń ókilettikterin júzege asyrý kezindegi áreketterine baılanysty talap-aryzdy qabyldaýdan bas tartty», — delingen sot habarlamasynda.
