جاڭالىقتار
استانا تەمىرجولىندا جويقىن جارىلىس بولدى
فوتو: ينستاگرام
«استانا» ستانتسياسىنىڭ سۇرىپتاۋ پاركىنىڭ 12-ءشى جولىندا پويىزبەن جەتكىزىلگەن كونتەينەردە جارىلىس بولدى, دەپ حابارلايدى qandastar.kz
سالدارىنان ءبىر ادام جەڭىل قول جاراقاتىن العان. كوز جۇمعاندار جوق. جولاۋشىلار مەن جاقىن ماڭداعى تۇرعىندارعا دا قاۋىپ ءتونىپ تۇرعان جوق.
اتالعان فاكتى بويىنشا كولىكتەگى پوليتسيا دەپارتامەنتى «تەمىرجول كولىگىن پايدالانۋ نەمەسە قوزعالىس قاۋىپسىزدىگى ەرەجەلەرىن بۇزۋ» بابى بويىنشا قىلمىستىق ءىس قوزعادى.
«وقيعا ورنىنا دەپارتامەنت باسشىلىعى دەرەۋ جەتتى. بارلىق ءمان-جايدى انىقتاۋ ءۇشىن ارنايى جەدەل توپ قۇرىلدى. قازىرگى ۋاقىتتا تەرگەۋ جۇرگىزىلىپ جاتىر. وقيعانىڭ سەبەپتەرى مەن بارلىق ءمان-جايى انىقتالۋدا», — دەدى قر ءىىم كولىكتەگى پوليتسيا دەپارتامەنتى باستىعىنىڭ ورىنباسارى مالىك قايبار.
بۇعان دەيىن توتەنشە وقيعاعا قاتىستى «قازاقستان تەمىرجولى» ۇلتتىق كومپانياسى ءباسپاسوز قىزمەتى رەسمي حابارلاما تاراتتى.
