استانا تۇرعىندارى جالعا بەرىلگەن باسپانادان تۇراقتى باسپاناعا كوشە الادى

فوتو: استانا اكىمدىگى

وسىدان بەس جىل بۇرىن استانادا جۇمىس ىستەيتىن جاستارعا ساتىپ الۋ قۇقىعى جوق العاشقى جالعا بەرىلەتىن تۇرعىن ءۇي باعدارلاماسىن ىسكە قوستى. بۇل مىڭداعان قالا تۇرعىنىنا بەس جىل ىشىندە ءوز ۇيلەرىنە اقشا جيناۋعا مۇمكىندىك بەردى. ولار ەندى «ەلوردا جاستارى» باعدارلاماسى بويىنشا پاتەرىن ساتىپ الا الادى, – دەپ حابارلايدى qandastar.kz  استانا اكىمدىگىنىڭ رەسمي سايتىنا سىلتەمە جاساپ.

2019 جىلدان بەرى جۇمىس ىستەيتىن جاستارعا ارنالعان بەس جىلدىق جالعا بەرىلەتىن باسپانا باعدارلاماسىنا قاتىسۋعا 17 مىڭعا جۋىق ادام ءوتىنىش بىلدىرگەن. وسى ۋاقىت ىشىندە ولارعا ءۇش مىڭنان استام پاتەر بەرىلدى.

«ەلوردا جاستارى» باعدارلاماسى اياسىندا ەڭبەك شارتى جارامدى جاستارعا, سونداي-اق ءبىلىم, دەنساۋلىق ساقتاۋ, سپورت, مادەنيەت, الەۋمەتتىك قورعاۋ, پوليتسيا جانە ت.ب. سالالاردا جۇمىس ىستەيتىن 35 جاسقا دەيىنگى ازاماتتارعا باسىمدىق بەرىلەدى.

نەگىزگى شارت – استانادا تۇراقتى تىركەۋدىڭ بولۋى, سوڭعى بەس جىلدا جىلجىمايتىن م ۇلىكتىڭ بولماۋى جانە ءتيىستى تابىس.

«ولار 18 ميلليونعا دەيىن پاتەر تابا الادى, ال باستاپقى تولەم 10% – 1 ميلليون 800 مىڭ, ول 19 جىلعا, 5 پايىزبەن بەرىلەدى. مەنىڭ ويىمشا, بۇل وتە ءتيىمدى. سونداي-اق ولار قايتالاما جانە باستاپقى نارىقتان دا پاتەر ساتىپ الا الادى», — دەپ اتاپ ءوتتى ەلوردالىق جاستار ساياساتى ماسەلەلەرى باسقارماسىنىڭ باس مامانى بالجان قولعانات.