جاڭالىقتار

استانا تۇرعىنى 36 ملن تەڭگە نەسيە رەسىمدەپ, الاياققا اۋدارىپ جىبەرگەن

فوتو: رolisia.kz

كۇدىكتىنىڭ ءۇيىن ءتىنتۋ كەزىندە 3 ۇيالى تەلەفون, سيمبوكس اپپاراتى, ارنايى نوۋتبۋك جانە كوپ مولشەردە ءبىر رەتتىك SIM-كارتالار, تۇبىرتەكتەر تاركىلەندى, دەپ جازدى qandastar.kz

ەلوردادا قىلمىسكەر كورشىلەس رەسەي ەلىندەگى سىبايلاسىمەن بىرگە ءبىر رەتتىك SIM-كارتالار شىعاراتىن كومپانيا اشىپ, ادامداردى الداعانى ءمالىم بولدى.كۇدىكتى جابىرلەنۋشىگە ءوزىن قۇقىق قورعاۋ ورگاندارىنىڭ قىزمەتكەرى رەتىندە تانىستىرىپ, وعان قاتىستى قىلمىستىق ءىس قوزعالعانى جونىندە ايتىپ الدايدى. ول قالا تۇرعىنىنا ارنايى شوت اشۋعا, التى ءتۇرلى بانكتەن نەسيە راسىمدەۋگە كوندىرەدى. سەنىپ قالعان جابىرلەنۋشى 36 ملن تەڭگەگە جۋىق كرەديت راسىمدەپ, كۇدىكتىنىڭ شوتىنا جىبەرەدى.

«سارىارقا اۋداندىق كريمينالدىق پوليتسيا قىزمەتكەرلەرى جۇرگىزگەن جەدەل-ىزدەستىرۋ شارالارىنىڭ ناتيجەسىندە ينتەرنەت-الاياقتىعى بويىنشا قىلمىس جاساعان 37 جاستاعى ازامات ۇستالدى.

كۇدىكتىنىڭ ءۇيىن ءتىنتۋ كەزىندە 3 ۇيالى تەلەفون, سيمبوكس اپپاراتى, ارنايى نوۋتبۋك جانە كوپ مولشەردە ءبىر رەتتىك SIM-كارتالار, تۇبىرتەكتەر تاركىلەندى. بۇل قۇرالدار قىلمىسكەرگە كوپ ادامعا حابارلاسۋعا, ولاردىڭ جەكە دەرەكتەرىن الۋعا جانە قارجىلىق الاياقتىق جاساۋعا مۇمكىندىك بەردى.

قازىرگى تاڭدا قىلمىسكەر ۋاقىتشا ۇستاۋ يزولياتورىنا قامالدى. ونىڭ تاعى 4 ءىرى الاياقتىق قىلمىسىنا قاتىستىلىعى انىقتالۋدا», – دەلىنگەن حابارلامادا.

استانا قالاسى پوليتسيا دەپارتامەنتى ازاماتتاردى ساق بولۋعا شاقىرادى. جەكە جانە قارجىلىق مالىمەتتەردى بەيتانىس ادامدارعا ەشقاشان بەرمەڭىز, بانكتەردەن نەمەسە مەملەكەتتىك ورگانداردان كەلگەن قوڭىراۋلاردى مۇقيات تەكسەرىڭىز, كۇمان تۋىنداسا ۇيىمنىڭ رەسمي بايلانىس نومىرلەرىنە حابارلاسىڭىز.

ينتەرنەت الاياقتىقتىڭ قۇربانى بولعان نەمەسە كۇدىكتى جاعدايعا تاپ بولعان جاعدايدا, سىزگە بەلگىسىز شوتتارعا اقشا اۋدارۋ تۋرالى ءوتىنىش تۇسسە, قۇقىق قورعاۋ ورگاندارىنا جەدەل حابارلاسىڭىز.

ىلمەكتەر

وسى ايداردا

پىكىر ۇستەۋ

Close