Astana turǵyny 36 mln teńge nesıe resimdep, alaıaqqa aýdaryp jibergen

Kúdiktiniń úıin tintý kezinde 3 uıaly telefon, sımboks apparaty, arnaıy noýtbýk jáne kóp mólsherde bir rettik SIM-kartalar, túbirtekter tárkilendi, dep jazdy qandastar.kz

Elordada qylmysker kórshiles Reseı elindegi sybaılasymen birge bir rettik SIM-kartalar shyǵaratyn kompanııa ashyp, adamdardy aldaǵany málim boldy.Kúdikti jábirlenýshige ózin quqyq qorǵaý organdarynyń qyzmetkeri retinde tanystyryp, oǵan qatysty qylmystyq is qozǵalǵany jóninde aıtyp aldaıdy. Ol qala turǵynyna arnaıy shot ashýǵa, alty túrli bankten nesıe rásimdeýge kóndiredi. Senip qalǵan jábirlenýshi 36 mln teńgege jýyq kredıt rásimdep, kúdiktiniń shotyna jiberedi.

«Saryarqa aýdandyq krımınaldyq polıııa qyzmetkerleri júrgizgen jedel-izdestirý sharalarynyń nátıjesinde ınternet-alaıaqtyǵy boıynsha qylmys jasaǵan 37 jastaǵy azamat ustaldy.

Kúdiktiniń úıin tintý kezinde 3 uıaly telefon, sımboks apparaty, arnaıy noýtbýk jáne kóp mólsherde bir rettik SIM-kartalar, túbirtekter tárkilendi. Bul quraldar qylmyskerge kóp adamǵa habarlasýǵa, olardyń jeke derekterin alýǵa jáne qarjylyq alaıaqtyq jasaýǵa múmkindik berdi.

Qazirgi tańda qylmysker ýaqytsha ustaý ızolıatoryna qamaldy. Onyń taǵy 4 iri alaıaqtyq qylmysyna qatystylyǵy anyqtalýda», – delingen habarlamada.

Astana qalasy polıııa departamenti azamattardy saq bolýǵa shaqyrady. Jeke jáne qarjylyq málimetterdi beıtanys adamdarǵa eshqashan bermeńiz, bankterden nemese memlekettik organdardan kelgen qońyraýlardy muqııat tekserińiz, kúmán týyndasa uıymnyń resmı baılanys nómirlerine habarlasyńyz.

Internet alaıaqtyqtyń qurbany bolǵan nemese kúdikti jaǵdaıǵa tap bolǵan jaǵdaıda, sizge belgisiz shottarǵa aqsha aýdarý týraly ótinish tússe, quqyq qorǵaý organdaryna jedel habarlasyńyz.