استانا تۇرعىنى ءبىر تۇندە ەكى اۆتوكولىكتى توناعان

استانادا ءبىر تۇندە ءۇش قىلمىس جاساعان كۇدىكتى ۇستالدى, دەپ حابارلايدى Qandastar.kz

پوليتسەيلەر ءبىر تۇندە ءبىر اۆتوكولىكتى ايداپ كەتىپ, ەكى كولىكتىڭ سالونىنان ۇرلىق جاساعان 32 جاستاعى ەر ازاماتتى ءىزىن سۋىتپاي ۇستادى.

ماس كۇيدەگى كۇدىكتى اۋەلى مۇحتار اۋەزوۆ كوشەسىندە Lada اۆتوكولىگىن ايداپ كەتكەن. كەيىن ول جاقىن ماڭداعى تۇراقتا تۇرعان كاماز جۇك كولىگىنىڭ تەرەزەسىن سىندىرىپ, ىشىنەن ماگنيتولا مەن يەسىنىڭ جەكە زاتتارىن قولدى ەتكەن. كەلتىرىلگەن ماتەريالدىق شىعىن شامامەن 200 مىڭ تەڭگەنى قۇرادى.

بۇدان سوڭ كۇدىكتى دۇكەن ۇلى كوشەسىندە تۇرعان Skoda Octavia اۆتوكولىگىنىڭ اينەگىن سىندىرىپ, سالونىنان 500 اقش دوللارىن ۇرلاپ كەتكەن.

تەكسەرۋ بارىسىندا ونىڭ بۇعان دەيىن دە وسىعان ۇقساس قىلمىستار ءۇشىن جاۋاپكەرشىلىككە تارتىلعانى بەلگىلى بولدى.

قازىرگى تاڭدا كۇدىكتى ۋاقىتشا ۇستاۋ يزولياتورىنا قاماۋعا الىنىپ, تەرگەۋ امالدارى جۇرگىزىلۋدە.

پوليتسيا كولىك يەلەرىنە باعالى زاتتاردى سالوندا قالدىرماۋدى, دابىلقاققىش پەن قوسىمشا ق ۇلىپتاۋ قۇرىلعىلارىن قولدانۋدى, سونداي-اق كولىكتەردى مۇمكىندىگىنشە كۇزەتىلەتىن تۇراقتارعا قويۋدى ەسكەرتەدى.