Astanada 16-qabattan bótelke laqtyrǵan balalar jurtty shoshytty

Astanada tańǵy saǵat 4:31-de kópqabatty úıdiń joǵarǵy qabatynan belgisiz balalardyń túrli zattar, sonyń ishinde plastık bótelke laqtyrǵany jurttyń ashýyn týǵyzdy. Oqıǵa Saraıshyq kóshesiniń boıynda ornalasqan turǵyn úı keshenderiniń birinde tirkelgen. Jerge túsken aýyr zattar turǵyndardyń ómirine qaýip tóndirip, jelide qyzý talqyǵa tústi, dep jazdy Qandastar.kz.

Vıdeodan baıqaýǵa bolatyny – balkonnan tómen qaraı bótelke laqtyrylyp, ol adamnyń ústine túsýi múmkin bolǵan. Oqys oqıǵa áleýmettik jelide keń tarap, kóptegen turǵyndar polıııanyń áreketsizdigin synap, ýchaskelik ınspektordy shaqyrtýdy talap etýde.

Jeli qoldanýshylarynyń biri:

«Bul – oıyn emes. Erteń bireýdiń basyna dál tússe, múgedek etip qoıýy múmkin. Qoǵamda mundaı jaýapsyzdyq úshin ata-analar jaýap berýi kerek», – dep pikir bildirdi.

Taǵy bir turǵyn:

«Bizde de osyndaı jaǵdaı bolǵan. 15-qabattan sý toly bótelke tastap, bir adamdy jaraqattaýǵa shaq qaldy. Balalar dep qaraýǵa bolmaıdy. Bul – qylmys», – dep jazdy.

Pikir qaldyrýshylar arasynda tipti balalardyń tártibine baılanysty ulttyq reńk berip, ksenofobııalyq sózder jazǵandar da tabyldy. Biraq negizgi másele – qoǵamdyq qaýipsizdik pen ata-ananyń jaýapkershiligi.

Qazirgi ýaqytta oqıǵa boıynsha resmı málimdeme jasalǵan joq. Saraıshyq aýdanynyń polıııasy bul iske baılanysty qandaı da bir áreketke kóshpegeni synǵa ushyrap otyr.